Nafar Lansare Nafarroako Enplegu Zerbitzuak, Eskubide Sozialetako Departamentuaren menpeko erakundeak, 49 ikastaro berrietarako izena emateko epea ireki du. Ikastaro horiek 2023ko lehen seihilekoan egingo dira Iturrondoko enplegu agentzian, Burlatan. Guztira, 800 plaza baino gehiago eskainiko dira, bai langabeentzat, bai landunentzat.

Nabarmentzekoa da informatika eta komunikazioak eskaintza, IKT heziketa ibilbidetan interesatutako pertsonentzako oinarrizko prestakuntza bat eratu ahal duten konpetentzia digital aurreratu eta espezializatuen (Python, Big Data, SQL) dozena bat ikastarorekin. Eskaintza honek, funtsa europarren bitartez Nafarroa osoan zehar barreiatzen ari diren oinarrizko konpetentzia digitalen ikastaroena osatzen du, 60 ikastaro planifikatu baino gehiago barne hartuz halaber hurrengo hilabetetarako.

Era berean, prestakuntza jarduerak proposatzen dira administrazioa eta kudeaketa (kontabilitatea, kudeaketa fiskala, ISO), ostalaritza eta turismoa (web diseinua, hizkuntzak, elikagaien manipulazioa), soldadura, edota garraioa eta ibilgailuen mantentze-lanak esparruetan, azken hauek Ibilgailuak Konpontzeko Nafarroako Tailerren Elkartearekin koordinatuta.

Pertsona interesatuek eskaintza osoa kontsulta dezakete, baita Enpleguaren prestakuntza webgunean izena eman ere. Prestakuntza jarduerak hautatzerakoan orientabidea behar duenak, enplegu agentzietako langileekin zita eska lezake, web orriko Eskatu aurretiko zita atalean.

ICC-ko ekintzailetza

Hurrengo hiruhilekorako eskaintzaren baitan nabarmentzekoa da SNE-NL-tik nahiz Kulturako zuzendaritza nagusitik sustatutako “Kultur, sormen eta ikus-entzunezko industrietan ekitea” ikastaroa, sorkuntza eta industria kultural, sortzaile eta audio-bisualen sorrera eta finkapena bultzatzeko helburuarekin, esparru honetarako balizko ekintzaileak babeste aldera, bere konpetentzia profesionalak hobetu ditzaten eta euren proiektuak kalitate eta arrakasta bermeekin sustatu eta kudeatu ahal izan ditzaten.

Funtsean, 180 orduko eta urtarrilak 31 eta martxoak 23 artean emango den prestakuntza jarduera praktiko bat dugu hizpide. Arte grafikoak, bisualak eta eszenikoak; diseinua; ikuskizunen eta ospakizunen ekoizpena; animazioa, web zerbitzuak eta edukiak edo bideo-jokoak; musika industria; ikusentzunezko ekoizpena, zinema, irratia, publizitatea, bideoa, argazkigintza, telebista edo edizioa sektoretan lanerako interesak edo ibilbideak dituzten pertsonengana zuzenduta dago.

Estrategia, ekonomia, enpresa-plana, marketina edo proiektuen ezarpena oinarri izaten dituzten alorretako prestakuntza espezializatuari, proiektu errealen gaineko erronka eta prototipo ezberdinen garapena erantsiko zaie, tutoretza eta akonpainamendua barne eta partaideek sorkuntzarako hala nola bere talde-lanerako gune bat izango dute erabilgarri, ospe handiko profesionalek emandako master class horietan parte hartuz.

Astelehen, astearte, asteazken eta ostegunetan garatuko da 09:15etatik 13:30etara hala nola astelehen eta asteazken arratsaldetan 16:15etatik 19:15etara, irakasleak Estefanía Nicolás, Ana Belén Albero, Rubén León, Joseba Carricas, Iranzu Velasco, Candela Martínez, Fernando Armendáriz, David Asín, Carlos Mangado, Xabi González eta María Tellechea izanik.

Interesatutako pertsonek izena eman dezakete SNE-NL-ko prestakuntza webgunean eta, jarraian, eginiko inskripzioek plaza kopurua gainditzen badute, hautaketa bat egingo da.