Nafarroako Gobernuak, gaurko bilkuran, 2025erako Nafarroako Industria Plana onartu du. Plan horrek pertsonen talentua, digitalizazioa eta enpresen iraunkortasuna hartzen ditu oinarrian, 4.0 industriarantz eraldatzeko. Horrela, aldiaren amaieran, sektoreak BPGaren % 32 izatera irtsiz, eta  3.500 enpresetan 74.000 enplegu finkatuz.

Azken tamaina horietan, Nafarroako industria sektoreak abiapuntu bezala hartzen du orainaldian Komunitateak BPGari eginiko % 31ko ekarpena, 72.000 pertsonari eman baitio lana, industria enpresen kopurua 3.300 ingurukoa izanik.

Planaren zirriborroak, joan den udaberrian Garapen Ekonomiko eta Enpresarialeko kontseilari Mikel Irujok aurkeztu zuenak, partaidetza publikoaren prozesuan erakunde ezberdinek eta pertsona partikularrek eginiko 46 ekarpenen hein handi bat barne hartu du.

Funtsean, 2025 Industria Planak mantendu egin du industria nafarra Foru Komunitateko politika sozio-ekonomikoaren zutabe gisa finkatzeko asmoa, haren eraldaketa bultzatuz. Zeharkako neurrien exekuzioan hala nola proiektu mugatuen harira, 506.172.252 euroko aurrekontu inbertsio bat aurreikusten da 2021-2025 indarraldi eperako.

Zehazki, Planak Industrian hiru bektore eraldatzaile identifikatzen ditu: 4.0 Industriaren trantsizioa, alegia, bere prozesuetan konektibitate maila ezberdinen eraginpean eta goi-mailako automatizazioarekin funtzionatzen duten konpainiak; jasangarritasuna eta pertsonak.

4.0 Industria xede duen eraldaketa, digitalizazioaz eta eraldaketa jasangarriaz haratago, helburu zehatzetan (eta, ondorioz, jarduketa-lerroetan) zeharka presente daude, bektore giltzak izateagatik industria nafarraren nahiz bere lehiakortasunaren hobekuntzaren alde eta jarduera ekonomikoaren garapenerako aukera berriak ekarri ahal dituzte.

Pertsonei helduz, industria adimentsuago eta jasangarriago baterantz doazen hazkundea, finkapena eta eraldaketa errazten dituzten konpetentzia eta trebetasun berriak lortzeko ahalduntzea eta prestakuntza giltzak dira, ez bakarrik enpresen garapen lehiakorrerako, baita Foru Erkidegoaren multzorako ere. Esparru horretan, bestalde, industrian genero arrakala murrizteko lanean ari dira, hori lehentasun sozialtzat hartuz, eta egun talentua eskuratzeko dauden zailtasunak konpontzeko ere bai. Planak hainbat jarduketa zehatz dakartza, guztiak ere Espezializazio Adimentsuaren S4 Estrategiaren amaiera esparruarekin:

· Industria enpresen kopuru handiago batera iritsi, fokua enpresa txiki nahiz ertainetan jarriz, tamaina handieneko haien eta jadanik finkatuen beharrak ahaztu gabe.

· Industria eraldaketari ekarpena egin, bi bektore giltzetatik abiatuz: digitalizazioa eta jasangarritasuna.

· Nazioartekotzerako ikuspegi garbi bat izatea, bai merkaturatzean eta bai nazioarteko hornitzaileekin elkarlanean. Halaber Nafarroa atzerriko inbertsoreen eta nazioarteko talentuaren fokuan jarri nahi da, enpresa proiektuak garatzeko eskualde erakargarria delakoan.

· Nafarroan dauden enpresa multinazionalekin sinergiak hobetu: horien inplikazio hobea lurralde garapenarekin, tokiko industriarekin kolaborazio egonkorrak eginez, bezeroa- hornitzailea harremanez haratago, eta izaera eraldatzailea duten proiektu eta ekimen haietarako babesa emanez.

· Industriarako helburu partekatuak (proiektu eraldatzaileak) definitu, zeinekin inbertsio publiko eta pribatua optimizatu ahal izango diren, inbertsio horiek inpaktu handiagoko ekimenetara bideratuz.

· Nafarroan lurralde kohesio handiago baterantz aurrera egin, kohesio hori gidatzeko segmentua industria jarduera izanik, errealitatearekin hala nola eskualde bakoitzeko sektoreekin egokitutako garapen plan zehatzak jarraituz.

· Lurraldean beharrezko azpiegituren planifikazio bat garatu, industriaren modernizazio honetarako eta haren hazkunderako nahiz lehiakortasun globalerako.

· Programen eta jarduketen eragin positiboak hedatzea enpresa-ehunean: neurri horiek izango dira eskari-prozesuen sinplifikazioa, ko-finantzaketa publikoaren hazkundea, hala badagokio, proiektu eta deialdien antolamendua eta exekuzio-epeak hobetuz.

· Finantzaketa jarduketak osatu Administrazio publikoaren ikusmoldea kontuan hartuta, industriarako babes, lidergo eta gida zereginetan.

11 Balio-kate

Horrez gainera, Espezializazio Adimentsuaren Estrategiarekin bat etorriz, Nafarroako 2021-2025 Industria Planak, automozioa, mekatronika, elikagai-katea, energia eolikoa, energia berriztagarriak eta ingurumen baliabideak, bio-farmazia, osasun teknologiaren industria, logistika eta garraioa, diseinua, ingeniaritza eta makineria aurreratua, industria grafikoa eta ikus-entzunezkoa eta IKT-ak barne hartuz eginiko apustua lehenesten du.