Apirilaren 12an Lehen Arretaren Nazioarteko Eguna dela eta, Osasun Departamentuak Osasunbidea-Nafarroako Osasun Zerbitzuaren Lehen Arretaren eremuko zenbait jarduera-datu jakinarazi ditu. Lehen Arretan 5.749.559 kontsulta egin ziren 2024an, medikuntza orokorreko, erizaintzako, pediatriako eta gizarte-laneko kontsultak kontuan hartuta, aurreko urtean baino %2,96 gehiago, gaur egun egiten ari den Osasunbideako 2024ko Memorian sartuko diren jarduera-erregistroko datuen arabera.

LAko medikuntza orokorreko kontsultei dagokienez (guztizkoaren % 48,8), % 3,6 gehitu ziren, 2.810.166 kontsultara iristeraino. Biztanleko, familia-medikuntzako 4,91 kontsulta erregistratu ziren urteko. Zehazki, zentroko jarduerak, egindako kontsulta presentzialak eta ez-presentzialak barne hartzen dituenak, % 3,8 egin zuen gora 2024an, eta helbidekoak berriz, % 1 egin zuen behera. Osasun arloen arabera, Iruñean jarduera % 3,7 hazi zen, Lizarran % 1,7 eta Tuteran % 4,7.

Erizaintzako jarduera orokorra 2.309.189 kontsultakoa izan zen (2.002.876 kontsulta helduentzat eta 306.313 erizaintzako arretak pediatriarentzat). Horrek esan nahi du jarduera osoa % 2,5 gehitu zela aurreko urtearen aldean. Horrek esan nahi du urtean 3,46 kontsulta egiten direla biztanleko. Zentroko jarduerak % 2,8 egin zuen gora, eta etxeko jarduerak berriz, -% -2,0 egin zuen behera. Osasun-arloen arabera, erizaintzako jarduera orokorra % 2,1 hazi zen Iruñekoan, % 1,8 Lizarrakoan eta % 5,1 Tuteran.

Bestalde, Lehen Mailako Arretako pediatriak 465.037 kontsulta artatu zituen iaz, hau da, 2023an baino % 4,1 gehiago eta urtean biztanleko 4,95 kontsulta gehiago. Zetroko jarduerari dagokionez (kontsulta presentzialak eta ez-presentzialak barne), Iruñean jarduerak % 4,8 egin zuen gora, Lizarran % 8,2 eta Tuteran % -1,3.

Gizarte Lanari dagokionez, 2024an Gizarte Laneko 165.167 kontsulta egin ziren, hau da, aurreko urtean baino % 4,2 gutxiago.

Jarduera gehiago SUEn

Iruñeko Ospitalez Kanpoko Larrialdi Zerbitzuko asistentzia-zentroen jarduerari dagokionez, San Martin Doktorea eta Buztintxuri zentroak, helduen kasuan medikuntza-zentroan bertan kontsulta-arretak % 2,7 gehitu ziren, eta Pediatrian berriz, % 3,9. Etxeko arretak, bestalde, % 7,7 egin zuen gora.

Lizarrako SNUren kasuan, jarduera % 1,49 igo da 2023tik 2024ra, eta etxeko arreta % 2,59 murriztu da. Bestalde, Tuterako SNUren kasuan jarduera % 2,6 murriztu da zentroan eta % 2,1 etxeetan”. 

Larrialdietako garraio sanitarioaren mobilizazioak % 3,7 igo dira 2024an, aurreko urtearen aldean. Oinarrizko bizi-euskarriko anbulantzien (ASVB) mobilizazioen ehunekoek proportzio berari jarraitzen dio (% 81) bizi-euskarri aurreratuko anbulantzien (ASVA) mobilizazioaren aldean.