Hezkuntzak 2025-2026 ikasturtean guztira 178 heziketa-ziklo eta 24 familiatako lanbide-heziketako programak eskainiko ditu. Eskaintza zabal hori Carlos Gimeno Hezkuntza kontseilariak eta Gil Sevillano Hezkuntza eta Lanbide Heziketako zuzendari nagusiak aurkeztu dute gaur goizean, eta horrek esan nahi du sei ziklo gehiago izango direla 2024-2025 ikasturteko eskaintzarekin alderatuta.

Azken urteotan, Nafarroak Lanbide Heziketako sistema publikoari buruzko adierazle bikainak lortu ditu. Gaur egun, Foru Erkidegoa da Europar Batasuneko 3 eskualde bakarretako bat, eta Espainian LHko tituludunen % 100eko enplegagarritasuna egiaztatu duen bakarra. Gainera, bost ikastetxe publiko ditu Lanbide Heziketako Bikaintasun Zentroen Espainiako sarean, eta Oinarrizko eta Erdi Mailako Lanbide Heziketarako sarbide-tasarik onenak ditu.

Ikasketa modalitate honek indarra duen une honetan, Hezkuntza Departamentuak Lanbide Heziketaren aldeko apustu sendoa egiten jarraitzen du. Oinarrizko, erdi mailako eta goi mailako ziklo presentzialetako lehen kurtsoko plaza-kopurua, 25/26rako eskainiko diren espezializazio-ikastaroekin batera, 6.811 izango da, honela banakatuta: 756 oinarrizko mailan, 2.950 erdi mailan, 2.880 goi mailan eta 225 espezializazio ikastaroetan.

Aurreikuspenaren arabera, ATECA teknologia aplikatuko hamaika gela berri ezarriko dira, eta ikastetxeekin lanean ari dira kokalekuak zehazteko.

Era berean, LHko berariazko ekipamenduan, LHko digitalizazioan eta berrikuntza espezifikoan egindako inbertso ekonomikoa 2.037.700 eurokoa da ekipamendu espezifikoan, eta 852.466 eurokoa digitalizazioan eta berrikuntza espezifikoan.

Ziklo eta programen eskaintzan, Oinarrizko Mailako 17, Erdi Mailako 52, Goi Mailako 75 eta espezializazioko 13 ikastaro daude. Guztira, prestakuntza-katalogo nazionalean dauden 26 lanbide-arloetatik 24tan (Itsas Arrantza eta Beira et Zeramika baino ez dira kanpoan geratzen). 

‘On line’ modalitatea
On line prestakuntza-modalitatean, 32 ziklo eskainiko dira 2025/2026 ikasturterako, eta ziklo horietan eskaintzen diren moduluen kopurua nabarmen handituko da: 401, zehazki; 24/25 ikasturtean, berriz, 341.

Eskainiko diren 60 lanbide-modulu berriek 1.305 plaza absolutu gehiago batuko dituzte modalitate honetan, nahiz eta kontuan izan izena eman duten pertsonak batez beste hiru modulutan daudela, matrikularen igoera 435 pertsona ingurukoa izango da.

Erdi Mailako zikloei dagokienez, Iruñean eta eskualdean, merezi du nabarmentzea Mendillorri BHIn Administrazio Kudeaketako euskarazko teknikariaren profila ezarri izana, lehenago ere ziklo bera ezarri baitzen ikastetxe horretan gaztelaniaz. Era berean, 2025-2026 ikasturtean, Iruñeko Arte eta Goi Mailako Diseinu Eskolan (EADS) Serigrafia Artistikoko teknika-zikloa ezarriko da, gaztelaniaz eta EASDen dauden arte plastikoen eta diseinuaren lanbide-familien eskaintza zabalduko da.

Era berean, datorren ikasturtean, Iruñeko María Ana Sanz ikastetxe integratuan Mikroinformatika eta Sareen zikloko talde bat ordezkatuko da, zeina arratsaldez ematen den, eta Administrazio Kudeaketako zikloko talde batek emango du, hori ere arratsaldez.

Erdi Mailako zikloekin jarraituz, Sakanako LHIn, Mikroinformatika Sistemen eta Sareen azken bi ikasturteetan egindako eskaintzaren ordez, Administrazio Kudeaketako Erdi Mailako Euskarazko Zikloa erabiliko da. Ziklo horrek irteera profesional zabala du, eta Merkataritza Zerbitzuetako Oinarrizko Graduko zikloko ikasleen prestakuntza ibilbidea dibertsifikatzea dakar.

Tuteran eta Erriberan, zehazki Tuterako IZT LHIn, Soldadura- eta Galdaragintza-zikloko Erdi Mailako eskaintzaren ordez Mekanizazioko Teknikaria jarriko da.

Goi Mailako zikloetan, eta Estellerriari dagokionez, departamentuak iragarri du datorren 2025-2026 ikasturtean San Adriango Ega BHIn Administrazio eta Finantzetako goi mailako teknikariaren zikloa ezarriko dela, eta, horrela, zentro horretako goi mailako eskaintza handituko dela.

Iruñean eta eskualdean, Energia Berriztagarrien Goi Mailako Zentro Integratuan (CISER) Eraikuntza Proiektuetan goi mailako teknikariaren ziklo bat ezarriko da, Virgen del Camino LHItik lekualdatzen dena. 25/26 ikasturtean, Eraikuntza Proiektuen 1. maila CISERen garatuko da eta 2. maila Virgen del Camino LHIn mantenduko da. Ikastetxe horretan, Virgen del Camino LHIn, Diseinu eta Fabrikazio Mekanikoko Goi Mailako ziklo bat ezarriko da, orain arte Lanbide Heziketako Nafarroako Ikastetxe pribatu batean soilik eskainiko dena. 

Espezializazio-ikastaroez ari garela, 2025-2026an Loradenda eta Lore Artea espezializazio-ikastaroa ezarriko da Iruñeko Nekazaritza eta Basogintza Institutuan. Zentroak aspalditik eskatu du eskaintza hori, eta orain ministerioak onartu ondoren iritsi da.

2025-2026 ikasturterako ere eskaintza birtuala egongo da ikastetxe publikoetan. Zehazki, CISERen Arrisku Profesionalen Prebentzioko Goi Mailako Gradua eskainiko da, Nafarroako Osasun Eskola Tekniko Profesionaletik (ESTNA) datorrena, kontuan hartuta sinergia hobeak eskainiko dituela energiaren arloko erreferentziazko zentro nazional horretan eta eraikuntzaren sektorearekiko bikaintasun-zentro gisa. 

Azkenik, eta Lanbide Heziketa bereziari dagokionez, 2025-2026 ikasturterako Iruñeko Arte eta Goi Mailako Diseinu Eskolan emango den prestakuntza-eskaintza honetara sartzen diren ikasleak egongo dira, eta 2006-2027 ikasturterako beste talde bat sartuko da modalitate horretan. 

Departamentuak hiru informazio-jardunaldi egingo ditu familientzat. Martxoaren 21ean, 22an eta 28an egingo dira. Bilera horietan izena emateko formularioa martxoaren 17an aktibatuko da webgune honetan: https://www.educacion.navarra.es/eu/web/dpto/formacion-profesional