Nafarroako Gobernuko Landa Garapeneko eta Ingurumeneko Departamentuak zerbitzu bat aktibatu berri du, eta zerbitzu horrek bitartekaritza-lanak, laguntza edo aholkularitza integrala (teknikoa, juridikoa eta ekonomikoa) eskaintzen die instalazio berriko prozesu osoan nekazaritzako edo abeltzaintzako ustiategietan lekukoa hartu nahi duten gazteei, jarduera utzi edo erretiratu nahi duten, baina familia erreleborik ez duten eta ustiategia eskualdatzeko prest dauden pertsonen eskutik.

José Mª Aierdi kontseilaria, Rubén Goñi Landa Garapeneko zuzendari nagusiarekin eta Natalia Bellostas INTIAko zuzendari gerentearekin batera, baita bitartekaritza zerbitzu hori eskaintzen duten lantalde teknikoekin ere, gaur, asteazkena, hogeita hamar bat gaztek osatutako talde batekin egon dira; gazte horiek, gaur egun, lehen sektorean hasteko interesa dute, Araitz ibarreko Gaintza kontzejuko abeltzaintza-etxalde batera begira.

Javier Saraleguiren ardi-aziendaren ustiapena dugu hizpide. Gazte hori etxalde horretan jarri da bizitzen, -alokairuaren erregimenean- Juan Luis Pellejero ustiapen honetan 30 urte baino gehiago zeramatzan abeltzainaren eskutik; honek erretiroa hartu berri baitu, lekukoa hartzeko seniderik izan gabe. 

Eskualdatzeak erraztea

Gazteak bertatik bertara hurbildu ahal izan dira Gaintzako baserrian belaunaldi-erreleboa egin berri duten bi abeltzain horien esperientziara, eta Landa Garapeneko Zuzendaritza Nagusiak INTIA sozietate publikoaren bidez eskaintzen dien eta eskualdaketa horiek errazten dituen bitartekotza-zerbitzua ere ezagutu dute. 

Zerbitzu hau ordezko gazteak eta lagatzaileak harremanetan jartzeaz arduratzen da, lehenengoek etxalde baten lekukoa hartzea erabakitzen badute, une oro lagunduko dien talde tekniko bat izan dezaten, pertsona egokia bilatzen, behar duten prestakuntzan, azpiegituren balorazioan edo negozioaren bideragarritasunaren ebaluazioan NPBren laguntzak eskuratzeko moduan edo inbertsiotarako finantzaketa posiblean lagunduz, nekazaritza-ustiategiaren transmisioan edo prozesu horretan sor dakiekeen beste edozein beharretan aholkularitza fiskal edo juridikoa lortzeko, laguntza pertsonalizatua jasoz.

“Ustiategi erakargarriak eta errentagarriak”

“Belaunaldien arteko erreleboaren erronka, gazteei sarrera errazteko premia edo landa-mundu bizi batean erakargarriak eta errentagarriak diren ustiategiekin populazioa errotzen laguntzea funtsezko gaiak dira lehen sektorea bizitzen ari den une kritiko honetan erantzuteko, eta administrazio publikotik gai izan behar dugu gauzak aldatzeko, joerak alderantzikatzeko eta mahai gainean neurri zehatzak eta eremuari lotuak jartzeko, lehen nekazaritza-instalazio batean hastera ausartzen zareten pertsonei aukerak, pizgarriak eta erantzun erabilgarriak eskaintzeko”, adierazi du Aierdi kontseilariak.

Bitartekotza- eta tutoretza zerbitzu hori Lurberri programan sartu zen neurri berritzaileenetako bat izan zen, Foru Gobernuko Landa Garapeneko Zuzendaritza Nagusiak orain urtebete abiarazi zuen lehen sektoreko belaunaldi-errelebuko programan eta 2025. urtean pizgarri-prima berriak eta  4,5 milioi euroko laguntzak eman dira, eta horri esker, 95 nekazari gazte eta berri sartzea ahalbidetu da.

INTIAren bitartekotza taldeak harremanetan jar ditzake gazteak eta jarduera uzteko interesa duten nekazariak, laguntza pertsonalizatua eta inpartziala eskainiz, eta horretarako, bi aldeen arteko bilerak egiten ditu Nafarroako hainbat eremutan. Orain arte, kafe-errelebo izeneko horietako lau egin ditu Aribe, Arbizu, Lizarra eta Doneztebe herrietan zeinetan 60 pertsonek parte hartu duten, ordezkatzaileak eta lagatzaileak izan daitezkeenen artean. Jardunaldi horietan, balizko erreleboak aztertu nahi dira, konfiantzazko giroan eta benetako kasuak behatuz, batez ere familiaren ondorengorik egoten ez denean.

Lehen beharrei buruzko tailer praktikoa

Ustiategia bisitatu ondoren, gazte-taldea Beteluko Udalera jan da, tailer praktiko baten bidez, lehen sektorean sartzen diren pertsonek izan ditzaketen premietan sakontzeko, besteak beste, lurra eskuratzeko, finantzaketa lortzeko eta laguntza-sareekin harremanetan jartzeko. 

INTIAren doako bitartekaritza-zerbitzuan interesa duten pertsonek, bai etxalde batean erreleboa hartu nahi duten gazteek, bai jarduera uzteagatik ustiapena eskualdatzeko prest dauden pertsonek, 948013040 telefono zenbakira dei dezakete, edo posta elektronikoz idatzi intiaemprendimiento@intiasa.es helbidera eta inkesta guztiz konfidentziala egingo da beharrak detektatzeko eta beharrezko informazioa biltzeko, errelebista eta lagatzaile posibleen arteko bateragarritasunak aurkitzeko oinarri izan dadin.