Nafarroako Gobernuak, gaurko bilkuran, Hezkuntza Departamentuaren plantilla organikoa aldatzea onartu du, Departamentuaren beraren haur-eskolen sarean lanaldi osoko 25 haur-hezitzaile plaza berri sortzeko eta, era berean, zerbitzu orokorretarako plaza bat eta sukaldaritzako laguntzaile-plaza bat sortzeko. Plaza horiek Egunsentiko haur-eskola berriari atxikita egongo dira, eta departamentuak Erripagainan eraikiko du. Hezkuntzako haur-eskolen sarean Haur Hezkuntzako 0-3 etapako lehen zikloan hezitzaileentzako 25 plaza berri gehitzearen kostua 917.917 eurokoa da, eta kopuru horri beste 58.970 euro gehitu behar zaizkio Egunsenti berrian zerbitzu orokorrak eta sukaldaritza indartzeko ordainsariak ordaintzeko.

(Albiste honi buruz gehiago jakin nahi baduzu, mesedez kontsulta ezazu gaztelaniazko bertsioa. Goiko nabigazio barra gorrian alda dezakezu hizkuntza).