Nahi ta Nahiez, El Columpio Asesino, Marea, Chica Sobresalto, June Crespo, Alessandra Baurés eta Leire Urbeltz dira Arte Gaztearen Topaketen edizioren batean parte hartu duten 6.000 artista nafar baino gehiago. Nafarroako Gazteriaren Institutuak (NGI) bultzatutako programa honek 40. urteurrena beteko du aurten eta izena emateko epea zabalik dago.

Gaurtik hasita eta ekainaren 10era arte, 14 eta 30 urte bitarteko pertsona interesatuek bere proiektu artistikoak aurkeztu ahal izango dituzte, zein, horrez gainera, deialdian adierazitako modalitateetako batean sartuko diren: arte eszenikoak, plastikoak eta ikus-entzunezkoak, diseinua, literatura eta musika. Gainera, aurtengoan, berrikuntza bezala, lehiaketaren lehen urteetan eskaera gehien lortu zituenetako bat izango zen diziplina honen independentzia berreskuratu da. 

Diziplina ezberdinetako epaimahaiek 40 artelan aukeratuko dituzte guztira, eta horiek 800 euroko diru-zuzkidura jasoko dute artisten ekoizpen-gastuak ordaintzeko. Urriaren 25etik 27ra bitartean ospatuko den jaialdian, halaber, epaimahaiak kalitate artistikoari, esperimentazioari zein aurkezpen publikoaren freskotasunari dagokionez hobekien osatutzat jotzen dituen 10 lanak aukeratuko dira, eta bakoitzak 1.500€-ko saria jasoko du.

Nafarroako Arte Gaztearen Topaketek sorkuntza eta ehun artistiko gaztea bultzatu nahi dute. Horren helburu nagusia komunitate-sare bat sortzea da, bere praktika artistikoa erakutsi eta garatuko duena, eta arte desberdinekin lotutako esperientziak, prozesuak eta hizkuntzak partekatzeko aukera emango diena. Aurreko urtean bezala, hautatutako 40 proposamenek tutoretzak eta epaimahaiaren jarraipena, prestakuntza-tailerrak eta irailaren 6, 7 eta 8an Lekarozen egingo den egoitza artistikoa izango dituzte barne. 

Programaren oinarriak

Programan parte hartzeko oinarriak  Nafarroako Gazteriaren Institutuko webgunean eskura daitezke, inskripzio-inprimakia bezala, zein Nafarroako Gobernuaren Izapideen Katalogoaren edo Erregistro Orokor Elektronikoaren bidez aurkeztu ahal diren. 

Artistak banaka zein taldeka izan daitezke partaide, deialdi berean hainbat proiektu aurkezteko aukerarekin. Aipatzekoa da amaitu gabeko lanak edo garapen-prozesuan daudenak ere aurkez daitezkeela. 

Modalitateak eta epaimahaiak

Bost modalitateetako bakoitzak 3 artistekin edo gaian adituak diren pertsonek osatutako epaimahaiarekin kontatuko du. Arte eszenikoen epaimahaia dantzari eta koreografoa den Amaia Elizaran Letamendiak, dantzaria, aktoresa eta idazlea den Greta García Jonssonek; y Alessandra García Rodríguez aktoresa eta antzerkigileak osatuko dute.
Arte plastikoen eta ikus-entzunezkoen arloan, Taxio Ardanaz Ruiz artista plastikoak, Alejandro Rubio Simón artista, ikertzaile eta Salamancako Unibertsitateko Arte Ederren fakultateko irakasleak eta Irati Urrestarazu Zubizarreta artista plastiko eta Okela Sormen Lantegiaren sortzaileak hartuko dute parte.

Diseinuaren modalitatea honako hauen araberakoa izango da: Alberto Etxebarrieta Valero, diseinatzaile eta recycling-aren SinPatroia; Silencio visual languages, Iñigo Lanz Gómez eta Javier Santamaría Bobadillak osatutako diseinu grafikoko estudioa; eta ZenZerro Pamplona, Carmen Hernández Esparza eta Cristina Palacios Alonso eszenografoek eta atrezzistek osatua.

Literatura, Laura Chivite Ezkieta idazleak; Hedoi Etxarte Moreno idazle eta editoreak; eta Javier López Menacho idazleak gidatuko dute.

Azkenik, Musika kategoriaren epaimahaikide izango dira Leire Aranguren Rivas, Aberin Estudioen ekoizlea; Iñigo Goldaracena Sola, musikaria, eta Anselmo Pinilla Martinez, Dj eta musika sustatzailea.

Topaketak, tailerrak eta prestakuntza abuztuan, irailean eta urrian

Lekarozko egoitza artistikoa, hautatutako proiektuei zuzendua, irailaren 6tik 8ra ospatuko da, eta epaimahaikideek emango dituzten prestakuntza-tailerrekin hala nola banakako tutoretzekin kontatuko du. Ekimen hau bigarren urtez jarraian antolatu da, eta elkartrukerako eta aurkikuntza kolektiborako espazio bat sortzeko beharrari erantzuten dio, non hainbat lengoaia artistiko elkartzen diren.

Jaialdiaren programazioari hasiera emateko, aire zabaleko bi kontzertu emango dira abuztuaren amaieran, Zaldi Zuriaren Mesoian, udako programazioaren zati gisa. Urrian, gainerako artistek euren proiektuen erakusketa bat egingo dute modalitate bakoitzaren ezaugarrietara egokituta Uharte zentroan, urriaren 25etik 27ra, jaialdi formatuan.

Jaialdian zehar, literatura modalitateak hautatutako lanei buruzko hitzaldi-solasaldia eskainiko du, egileekin batera. Era berean, eszenikoen modalitateko emanaldiak ere izango dira jaialdian zehar. Diseinu nahiz arte plastiko hala nola ikus-entzunezkoen diziplinetako proiektuak hamar egunez egongo dira ikusgai Uharten, jaialdiaren egunetan. 

40 Topaketa eta gehituz

Nahi ta Nahiez, El Columpio Asesino, Marea, Chica Sobresalto, June Crespo, Alessandra Baurés, Leire Urbeltz, Fermín Díez de Ulzurrun, Carlos Irijalba, Hasier Larretxea, Oihane Garmendia, Laura Chivite dira Topaketen mapan parte hartzen duten lehen mailako artista nafarrak, eta tokiko panoramatik haratago joan dira bere lanekin. Bere ibilbide artistikoaren hasieran programan parte hartu zuten, zeinek hasiera batetik bertako artista gazteen profesionalizazioan eta garapen profesionalean laguntzearen aldeko apustua egin duen.

Gaur egun, Arte Gaztearen Topaketak Nafarroako Gobernuak kultura eta sorkuntzaren arloan duen programarik urtetsuenetako bat da. Denboran zehar izan duen hedadurari esker, lehiaketa sorkuntza artistiko gaztea sortu, prestatu eta erakusteko plataforma gisa finkatu da.