Landa Garapeneko eta Ingurumeneko Departamentua NPBren lehen aurrerakinari dagozkion 31,4 milioi euroko ordainketa zuzenak egiten hasi da. Gogorarazi behar da Europako Batzordeak ordainketa aurreratuen ehunekoa handitzeko baimena eman duela, lehorteak eta ekoizpen-kostuen igoerak markatutako kanpainan lehen sektoreari likidezia handiagoa emateko.

Nafarroa ordainketa agintzen lehena

Ordainketa-agindua herenegun, hilak 16an, astelehena, egin zen Nafarroan, Nekazaritza Bermearen Europako Funtsa (FEAGA), hau da, laguntza hauek eta egun hauetan zehar jadanik gauzatzen ari diren ordainketak finantzatzeko mekanismoa gaitzen duen 2024ko finantza-ekitaldiaren lehen lanegunarekin kointzidituz. Horrenbestez, Nafarroako Foru Komunitatea autonomia erkidegoen artean lehena izan da zuzeneko ordainketa hauek egiterakoan, sektoreari kanpaina hasierako jarduerei aurre egin ahal izateko likidezia emateko asmoz, zenbait erkidegotan ordainketa hauek aurreratuko ez diren bitartean.

Foru Exekutiboko Landa Garapeneko eta Ingurumeneko kontseilariak gaur eman du jakitera ordainketa hauen berri eta bere Departamentuaren borondatea nabarmendu du “NPBtik datozen ordainketa zuzenen aurrerakinen arintasun eta bizkortasunean arreta berezia jartzerakoan, lehen sektorea mehatxupean jartzen duten beste faktoreen artean muturreko klima-egoeren, kostuen igoeraren eta Ukrainako gerratik datozen eraginen edota merkatuen globalizazioaren ondorioz une kritiko bat bizitzen ari diren nekazari eta abeltzainei babesa eta laguntza emateko gure zereginean”.

Ordainketa hau NPBren Plan Estrategikoaren (PEPAC) esparruan egiten den lehena da, 2023-2027 aldirako burutu den erreforman; zehazki, honako laguntza bananduak dira: jasangarritasunaren errentarako oinarrizko laguntza (JEOL), 24,8 milioi eurokoa dena; birbanatze osagarriaren ordainketa, 5,8 milioiko kopuruarekin eta nekazari gazteentzako ordainketa, 145 titularrei dagokiena, 890.000 euroko zenbatekoagatik.

Urriko hurrengo egunetan eta azaroan zehar Landa Garapenerako eta Ingurumenerako Departamentuak beste ordainketa batzuk egiten jarraituko du (eko erregimenak eta horri lotutako ordainketa zuzenak) abenduaren 1era arteko aurrerakin gisa eta data horretan, modu honetan laguntza bananduen % 95a eta egokituen % 90a erdietsiko dituen saldoa ordaintzeari ekingo zaio.

Aierdi kontseilariak nabarmendu du “PEPAC berriaren zenbait irizpideek Nafarroako lehen sektorearen tipologia bultzatu ez izan arren eta aurten ereduan ageriko aldaketak egingo diren arren, ordainketen aurreikuspenen arabera, Foru Komunitatera iritsiko den komunitate-funtsen zenbatekoa aurreko aldikoaren antzekoa izango dela”.