Carmen Mier Europako Proiektuen Bulegoko zuzendari eta Nafarroako Gobernuko Europe Directeko arduradunak Foru Komunitatea ordezkatu du 2025. urtearen amaierara arte aktibatutako zentroen sarearen urteko topaketan, Europar Batasuna, haren politikak eta balioak herritarrei hurbiltzeko.

Asanblada Milanen egin da, «Next Generation Europe Direct» goiburuarekin, eta Europa osoko 400 zentro baino gehiago biltzen ditu. Erakunde horiek, EBren lehentasunen, aukeren eta erronken inguruan sentsibilizatzeaz gain, Europar Batzordeari Batasunaren politikekin lotutako tokiko ikuspegien ikuspuntu orokorra eskuratzen laguntzeko ere balio dute

Europe Direct Nafarroa leihoak 2021eko maiatzean ekin zion bere ibilbideari, eta bere lehen urtean zehar, komunikazio ekintza ugari antolatuz abian jarri zen helburuekiko konpromisoa erakutsi du, hala nola, "Hitz egin dezagun Europaz" bira ibiltaria edo Nafarroako Europako Asteko kanpaina. Foru Komunitateko eskola enbaxadoreei ere babesa eskaini die, eta hainbat bisita zein hitzaldi antolatu ditu ikastetxeetan, baita bere stand propioarekin egon  EBrekin lotutako hainbat ekitalditan ere.

Halaber, sare horrek bi bekadunen laguntza du, eta EBko gaurkotasunari buruzko informazioa eskaintzen du sare sozialen bidez, hilean 3.000 bisita jaso ditu, batez beste, eta www.europedirectnavarra.eu webgunearen bidez. Honek 10.000 bisita inguru izan ditu irailean abian jarri zenetik.