Nafarroak asteazken honetan “Navarra, Pura Energía” jardunaldian industrializazioak eta I+Gak komunitatean duen balorea eta berriztagarrien sektorearen garrantzia zabaldu du. Nafarroako sektoreko enpresa garrantzitsuenak bildu dituen jardunaldia María Chivitek, Nafarroako Lehendakariak, itxi du.

Bere mintzaldian, Lehendakariak aditzera eman du Nafarroako Gobernuak duen konpromisoa “Nafarroaren lidergoa bultzatzen jarraitzeko energia berriztagarrien arloan”, maila erregional, nazional eta internazionaleko industria eta proiektuak defendatuz. Adierazi du “derrigorrezko trantsizio energetikoak eta Nafarroan energia berriztagarrien arloan ekosistema ahaltsua den erreferente batekin eta Nafarroan erabakiak hartzeko eskumena duen zentro baten mendean mundu mailako enpresa traktore liderrekin kontatzeak, I+D+i sistemaren aldeko inbertsio eta sustapenak egiteko aukera estrategiko bat suposatzen dutela” Foru Komunitatean.

Testuinguru honetan agerikoa gertatu den beharra “bizitzeko modua eta jarduera ekonomikoa eraldatzeko eredu jasangarriago eta inklusiboago, ingurumenarekiko, gizakiekiko adeitsuagoa batean”, eta Lehendakariaren esanetan Europa “aurkezten zaigu mundu mailako erreferente modura”, 2015ean izenpetutako Parisko Hitzarmena edo 2019ko Hitzarmen Berdea bezalako ekimenekin. Orainaldian, pandemiak “azeleratu egin ditu premiazko zereginak bilakatu diren aldaketak”.

Hori dela eta, Europar Batasunak adostu du ekonomia berraktibatzeko eta eraldatzeko funtsak bideratzea trantsizio ekologikoa, digitala eta soziala edota lurralde mailakoa bezalako erronka lehenetsietara; funts horiek bideratuko dira Espainiako Gobernuaren Berraktibazio , Eraldaketa eta Erresilientzia Planera. Nafarroan, Lehendakariak oroitarazi du Klima Aldaketa eta Trantsizio Energetikoari dagokion Foru Arauaren Proiektua tramitean dagoela Nafarroako Parlamentuan.

Chiviteren esanetan Nafarroan energia eolikoa omen da “energia berdearen sorrerarako iturri nagusiena, 1.098 megavatioko potentziaren arabera eta sektorean liderra den industriarekin”. “Nafarroa erreferentea da Europa mailan energia berriztagarrien arloan, horien garapenerako apustu teknologiko eta industrial historiko batekin. Lidergo hori ingurumenarekiko kontzientzia maila gorenaren eskutik garatu da”, arbuiatu du.

Bultzada herritarren inplikazioari

Mikel Irujo Garapen Ekonomiko eta Enpresarialeko kontseilariak eman dio bidea jardunaldiari ziurtatuz “ezinbestekoa dela energia berriztagarrien sorrera sustatzea zentzu guztietan, parke  eolikoak eta fotovoltaikoak eta beste iturri mota batzuk barne hartuz, irmotasuna zaindu behar izanik herritarren inplikazioaren harira Komunitate Energetikoak bezalako kontzeptuetan”. Eta Irujok atzo zirriborroa aurkeztu zuen komunitate energetikoak erregulatzeko araudi aitzindari bat sustatze aldera; honen bidez, prozesu parte hartzaile bat abiarazi nahi da, Nafarroan araudi europarrean xedatzen dena sustatu ahal izateko.

Gainera, azpimarratu du Nafarroa erabat lerrokatuta dagoela klima aldaketaren eta trantsizio energetikoaren konpromisoarekin, 2018an onartutako trantsizio energetikoaren gainean eta eredu berri baterantz bideratutako helburuak edota jarduketa lerroak aldarrikatzera datorren “2030erako Nafarroako Ortzimuga Plan Energetikoa” tarteko, zeinek 2018an onartu ondoren markatuko zituen trantsizio energetikoaren eta eredu berri bateranzko jarduketa helburu eta ildoak, oinarritzat hartuz energia berriztagarriak, energiaren sorrera eta kudeaketa, sustapen neurriak eta laguntza publikoak, eta ikerketaren zein berrikuntzaren bultzada, besteak beste.

Jardunaldiaren garapena

Kontseilariaren mintzaldia amaitzean, hitza hartu dute Europar Batzordeko Berriztagarrien Unitateko zuzendari laguntzailea den Antonio Lopez-Nicolasek eta IDEA-ko zuzendaria nagusia den Joan Groizardek.

Jardunaldiaren gainerakoa lau mahai-ingururen bitartez ospatu da eta horietako bakoitzak gai ezberdin bat jorratu du. Lehenengoko protagonistak izan dira Rafael Mateo, Acciona Energiako zuzendaria, eta Julio Castro, “Iberdrola Renovables Energia” enpresako zuzendaria; Enercluster enpresako Javier Villanueva zuzendari gerentea izan da moderatzailea.

Bigarren mahaia hidrogeno berdearen aukeren gainean aritu da; bertan mintzatu dira Jose Luis Blanco Nordex-eko zuzendaria, “Operaciones de Grupo Viscofan” enpresako zuzendari nagusia den Jesus Calavia, “Acciona EnergIa” enpresako Berrikuntzarako zuzendaria den Belen Linares eta Ana Ursua, AIN-eko zuzendari nagusia.

Jarraian heldu da “Biltegiratzea irtenbide energetiko modura” mahaiaren txanda; hizlariak izan dira CENER-eko zuzendari nagusia den Pablo Ayesa, MTorres-eko Berrikuntza arloko zuzendari teknikoa den Jose Manuel Gonzalez, David Sole Ingeteam-eko zuzendari nagusia, eta Jon Asin, BeePlanet-eko gerente eta ko-fundatzailea.

Energia berriztagarrien orainaldian eta etorkizunean hala nola lurralde bektore bezala duten funtzioan oinarritu den mahaietako azkenean hitza hartu dute Siemens Gamesa enpresako Finantzaketa Publikoaren zuzendaria den Lucia Parisek, Enhol Taldeko Diego Oliver zuzendari nagusiak eta FNMC-ko lehendakaria den Juan Carlos Castillok.

Berriztagarrien sektorea

Nafarra erreferentea da europar mailan energia berriztagarrien praktika egokietan; hain zuzen, teknologiaren garapena sustatzeko apustu historiko bat dagokio. Horren adibidea da “Perdón” izeneko parkea, duela 30 urte planteatzen hasia eta sektore honen industrializaziorako oinarria izan zena.

Gaur egun, I+D ereduak Nafarroako indar nagusia izaten jarraitzen du. Foru Komunitatean 100 enpresa baino gehiago daude; horietatik % 60 pymeak dira eta 3.250 milioiko negozioari bidea ematen diote. Enpresa hauetan gutxi gorabehera 10.700 pertsona dabiltza lanean eta 5.900 enplegu goi kualifikaziokoak dira zuzenean.

Gainera, energia berriztagarriek eratzen dute eskualdeko bigarren sektore esportatzailea. Iturri horien bitartez 2020an sortutako elektrizitateak % 53 ordezkatzen du, aldiz, 2019an sortutako energiak % 46,6ko portzentajea lortu zuen guztira.

Amaitzeko, azpimarratzekoa da energia berriztagarriek gure komunitatera dakarten ekonomia. Eolikoaren MW bakoitzeko 800.000 €-ko inbertsioa sortzen da; aldiz, fotovoltaikoaren kasuan, MW bakoitzak 500.000€-ko inbertsioa suposatzen du.