2017ko azaroaren 21a

Juantxo Madariaga historialariak XVII., XVIII. eta XIX. mendeetako euskararen egoerari buruz hitz egingo du Nafarroako Artxiboan 

19:00etan izango da eta euskaraz emango da, aldibereko gaztelaniazko itzulpenarekin
Nafarroako Artxiboa.
Nafarroako Artxiboa.  Deskargatu irudia Irudi galeria

Juan Madariaga historialari eta irakasleak hitzaldi bat emango du bihar, asteazkena, azaroak 22, 19:00etan, XVII., XVIII. eta XIX. mendeko euskararen egoerari buruz. "NAVARRORUM. Euskararen gaineko dokumentu nafarren bi mila urteko ondarea" erakusketaren hirugarren hitzaldia izango da eta euskaraz emango da, gaztelaniazko aldibereko itzulpenarekin.

Unibertsitate Konplutentsean lizentziatuta, Madariagak (Madril, 1949) doktoregoa atera zuen Euskal Herriko Unibertsitatean (EHU), Oñatiko haranean heriotzaren aurrean hartutako jarrerei buruz. Hortik aurrera gizarte, kultura eta pentsamoldeen arloan ikertu du. Duela gutxi hizkuntzak euskal imajinarioan duen eginkizunari buruz ikertu du.

Hainbat argitalpen egin ditu aldizkari espezializatuetan eta lan kolektiboetan. Bere azken argitalpenak euskararen ingurukoak izan dira: euskararen aldekoen eta aurkakoen antologia bat, ingelesez argitaratutakoa 2006an Nevadako Unibertsitatearen eskutik (AEB) eta gizartearen eta euskararen azterlan bat XVII. eta XVIII. mendeetan, 2014. urtean Euskaltzaindiak argitaratutakoak.

Ia hiru hamarkadetan irakasle gisa aritu zen UNEDen (Bergaran), eta zentro horretako zuzendaria ere izan zen. 2000. urtetik Historia Garaikideko irakasle titularra da Nafarroako Unibertsitate Publikoan, eta Euskal Ikasketen unibertsitateko graduondoko espezialistaren zuzendaria, Nafarroako Unibertsitate Publikoak, UNEDekin eta Euskaltzaindiarekin batera emandakoa.