1964.urtean San Adrianen jaiotakoa. Ezkonduta eta seme-alabarik gabe.

Biologia Zientzietan lizentziaduna (1987) eta doktorea (1991) da Nafarroako Unibertsitatean (1987). Ingelesez hitz egiten du.

Bere ibilbide profesionala 1987an hasi zuen Giza Genetikak minbiziarekin eta gaixotasun arraroekin izandako harremanaren ikerketarekin. Doktoretza burutu aurretik eta ondoren , egonaldi ezberdinak egin zituen Lund (Suedia), Manchester (Britainia Handia) eta New York (AEB), eta azkenik, Osasun Kanarietako Zerbitzuan. 2000. urtean, Ikerketa Onkologikoen Zentro Nazionalean (CNIO) sartu zen Zitogenetika Molekularreko Taldeko zuzendari gisa eta 16 urte eman ditu lanean.

2008an, bioteknologia genomikoaren alorreko NIMGenetics bioteknologiako konpainia sortu zuen, non zientzia eta berrikuntza-zuzendaria izan zen, eta hainbat sari jaso ditu I+G+b arloan. Gainera, Medikuntza Genomikoaren inguruko Senatuaren lantaldeko lanetan aditu izan da.

Alor akademikoan, 200 artikulu baino gehiago argitaratu ditu nazioarteko zientzia aldizkari ezberdinetan. Horretaz gain, Ikerkuntza proiektu ezberdinen zuzendaritzan eta 
15 doktoretza tesitan parte hartu du. Sari akademiko ugari jaso ditu, besteak beste, Giza Genetika ikertzaile hoberenari Gazte Genetika Saria (1999), Espainiako Zientzia Elkartearen ohorezko plaka (2000) eta, orain dela gutxi, Cinco Días egunkariak emandako Talentu Akademikoaren Saria (2013).

Unibertsitate desberdinetako master programetan irakatsi du eta Unibertsitate Autonomoko eta Madrilgo Complutense-ko ohorezko irakasle izendatu dute. Era berean, Kongresu nazional eta internazionalak  antolatu ditu Genetika eta Bioteknologiaren alorrean.

Azkenik, jarduera garrantzitsu bat garatu du elkarte zientifiko nazional eta europarretan. Humana Genetika Elkarteko presidente eta European Cytogeneticists Association elkarteko Zuzendaritza Batzordeko kide izan da 2013tik 2019ra. Gainera, Espainiar Bioenpresen Elkartearen Zuzendaritza Batzordearen kide ere izan da.

2019ko abuztuan Unibertsitateko, Berrikuntzako eta Eraldaketa Digitaleko kontseilari izendatu izan zen, Nafarroako Alderdi Sozialistak proposatuta. Gainera, 2023an Ekonomia eta Ogasun kontseilariaren ardura hartu zuen, kontseilari berria izendatua izan arte.

2023ko abuztuan Nafarroako Gobernuko Unibertsitateko, Berrikuntzako eta Eraldaketa Digitaleko kontseilari izendatu zuten, Nafarroako Alderdi Sozialistak proposatuta.