Logroñon jaio zen 1986. urtean. Ezkonduta dago, eta bi seme-alaba ditu.  

Kazetaritzan lizentziatu zen Nafarroako Unibertsitatean, eta Komunikazio Politikoan espezializatu zen. 2015ean, Georgetowneko Unibertsitateko Global Competitiveness Program-eko ‘fellow’ izan zen, eta prestakuntza gradu-ondoko hainbat ikastarorekin osatu du Madrilen, Washingtonen eta Buenos Airesen, komunikazioaren, hauteskunde-kanpainen eta osasunaren inguruko gaietan. 

Ibilbide profesionala Diario La Rioja eta TVRko erredaktore gisa hasi zuen. Gradu-ondoko idazkari exekutiboa izan zen Nafarroako Unibertsitateko Komunikazio Fakultatean, Washington DCra joan aurretik. Bertan, komunikazio digitaleko FasTrackMedia Inc aholkularitza-enpresako kide izan zen. 

Etapa horren ondoren, Buenos Airesera (Argentina) joan zen, eta Komunikazio eta Ikerketako zuzendaria izan zen Duran Barba y Asociados aholkularitza-enpresan. Era horretan, hauteskunde-kanpainetan eta ikerketetan lan egin zuen Argentinan, Mexikon, Brasilen, Kolonbian, Uruguain eta Ekuadorren. Ondoren, Komunikazioko zuzendaria izan zen Untold taldeko Agora Public Affairs & Strategic Communications aholkularitza-etxean, eta osasun, elikadura, farmazia eta energia sektoreetako enpresekin lan egin zuen, besteak beste. 

Komunikazio eta gai publikoetako aholkularia ere izan zen MAS Consulting Group-ean eta ‘think tank’-en ikertzailea The Hispanic Councilean. Bertan, Estatu Batuetako hispaniarren eraginari eta Ipar Amerikako komunitate latinoaren garapenari buruzko hainbat argitalpen egin zituen. 

2019an, Espainiara itzuli zen, eta Errioxako Gobernuko Komunikazioko zuzendariordea izan zen, Concha Andreu presidentearekin. Handik urtebetera, berriz, Errioxako Osasun Zerbitzuko (SERIS) kabinete-buru izan zen, 2023ko uztailera bitarte. 

2023ko abuztuan, Nafarroako Gobernuko Osasuneko kontseilariaren Kabineteko buru izendatu dute.