Tuteran jaio zen 1975. urtean, eta Soziologian lizentziatu zen Nafarroako Unibertsitate Publikoan (1997). Ezkonduta dago eta bi alaba ditu. 

Hainbat erakundetan lan eginez hasi zuen ibilbide profesionala, enplegua sustatzeko tokiko eta eskualdeko proiektuak garatuz. FOREM Navarran egin zuen lan 1999. urtetik 2002. urtera, eta, bertan, lan-orientazioan, enpresentzako arretan eta prestakuntza-ekintzen kudeaketan aritu zen. 

Soziologo gisa, lan-ibilbide luzea du lurralde-plangintzari eta plangintza estrategikoari buruzko gaietan, 2002tik 2016ra EIN Navarran lan egin baitzuen; hots, arlo horretan espezializatutako aholkularitza-enpresa, estatu-mailakoa nahiz nazioartekoa. Etapa horretan zehar, lurralde-garapen, ikerketa sozial, herritarren parte-hartze eta dinamizazio sozialarekin lotutako proiektu ugari diseinatzen, planifikatzen eta garatzen parte hartu zuen, eta, ondorioz, egoerari buruzko analisiak eta diagnostikoak egin zituen eta estrategiak eta ekintza-planak nahiz parte-hartze prozesuak definitu zituen, soziologia-arloa koordinatzeaz arduratzearekin batera. 

2017an, Nafarroako Erriberako Garapen Estrategietarako Kontsortzioko (EDER) lantaldean sartu zen, Eskualdeko Estrategia Arloko arduradun gisa. Urte horietan zehar, lurraldea planifikatzeko eta proiektuak kudeatzeko funtzioak bete ditu Nafarroako Erriberan. Horretarako, lurraldeko egoera demografikoari eta sozioekonomikoari buruzko lurralde-analisiak egin ditu, eskualde-mailako plangintza estrategikorako tresnak diseinatu eta ezarri ditu (adibidez, Nafarroako Erriberako Espezializazio Adimentsu eta Iraunkorreko Eskualde Estrategia, ECESI RN) eta hainbat ekintza-eremuri eta jarduera-sektoreri buruzko proiektuak martxan jarraitu eta horien segimendua eta ebaluazioa egin ditu, sektoreko eta lurraldeko eragileekin koordinazio-lanak eginez eta sinergiak sortuz. Halaber, Nafarroako Toki Ekintzako beste talde batzuekin lankidetza-proiektuak koordinatzeaz arduratu da. 

2021etik 2025eko maiatzera bitarte, Nafarroako Soziologia eta Politologia Elkargoko dekanordea izan da. 

2025eko ekainean, Migrazio Politiketako zuzendari nagusi izendatu dute Etxebizitzako, Gazteriako eta Migrazio Politiketako Departamentuan.