Etxaurin jaio zen 1958. urtean. Ezkonduta eta bi seme-alaba ditu.

Oinarrizko Hezkuntza Orokorrean lizentziatu zen eta lurralde garapenarekin lotutako ikastaroekin osatu zuen bere prestakuntza.

Napar Bideak sozietate kooperatiboaren eta Nafarroako Elikagai Artisauen Elkartearen bazkide sortzailea izan zen. Halaber, Bikain Nekazaritzako Eraldaketa Elkartearen arduraduna izan zen 2015 arte.

Gainera, Lekunberri herriko alkatea izan zen 31 urtez (1984-2015), eta Plazaola Partzuergo Turistikoaren sortzailea eta presidentea 16 urtez (1994-2006). Cederna-Garalur tokiko garapen elkartearen presidentea izan zen bi alditan (1991 -1999 eta 2011-2015).

Nafarroako Parlamentuko kide hautetsia izan zen 1999-2003 legegintzaldian, Mahaiko idazkari bigarrena izan zenean.

2015eko urritik aurrera, Nasuvinsa (Navarra de Soil y Housing S.A.) enpresa publikoaren eta CAT (Ciudad Agroalimentaria de Tudela S.A.) enpresaren zuzendaritza hartu zuen.

2019ko abuztuan, Nafarroako Gobernuko bigarren lehendakariorde eta Etxebizitza eta Lurralde Antolamenduko kontseilari izendatu zuten, Geroa Baik proposatuta.

2023ko abuztuan Landa Garapeneko eta Ingurumeneko kontseilari izendatu zuten.