Vigon jaio zen 1991. urtean. Zuzenbidean lizentziatua da, Enpresen Administrazio eta Zuzendaritzan lizentziatua, Ekonomian graduatua eta Europar Batasuneko Ikasketen Master Ofiziala Salamancako Unibertsitatean. Doktorea Salamancako Unibertsitatean, Generoaren eta Berdintasun Politiken Diziplinarteko Azterlanetan Doktoretza Programa (CNEAI Zuzenbidea eta Jurisprudentzia), Cum Laude Bikain Kalifikazioa.

Gizarte Segurantzako Administrazioko Teknikarien Goi Mailako Kidegoko karrerako funtzionarioa da 2017az geroztik. Karreran zehar, hainbat zuzendaritza-postu izan ditu Gizarte Segurantzako Administrazioan; hots, Ezintasun Prestazioen zuzendariorde probintziala izan da Nafarroako Gizarte Segurantzaren Institutu Nazionalean, edo Nafarroako Gizarte Segurantzaren Diruzaintza Orokorreko zuzendari probintziala. Erakunde horretan, antolaketa-aldaketa oso bat bultzatu zuen, kudeaketa-adierazleak etengabe hobetuaz, eta, era horretan, Zuzendaritza Probintziala Estatuko hiru onenen artean kokatzera iritsi zen. 

Ondoren, Giza Baliabideetako eta Zerbitzuen Ikuskaritzako zuzendariorde nagusiaren postua bete zuen Inklusio, Gizarte Segurantza eta Migrazioen Ministerioan, eta, bertan, zuzenean parte hartu zuen Gizarte Segurantzako plantillak indartzeko lehen neurrietako batzuk bultzatzen nahiz lanpostuak betetzeko prozedurak arintzen edo gizarte-eragileen eta administrazioaren arteko negoziazioetan, Departamentuaren barruan funtzio publikoa antolatzeko. 

Gaur egun, Lanbide Heziketako Idazkaritza Nagusiko bokal aholkularia da Hezkuntza eta Lanbide Heziketako Ministerioan. 

Gizarte Egoerari, Gizarte Segurantzari eta Giza Baliabideei buruzko hamar bat argitalpen baino gehiago argitaratu ditu Thomson Reuters-Aranzadi, Tirant lo Blanch, La Ley-Wolters-Kluwer, Laborum edo Herri Arduralaritzaren Euskal Erakundea bezalako argitaletxeetan. Horrekin batera, lan, administrazio eta Gizarte Segurantzaren arloko prestakuntza eman du Unibertsitate Publikoetan nahiz Gizarte Segurantzako erakundeetan, Mutuetan, Foro profesionaletan edo Enpresaburuen Elkarteetan. Era berean, Gizarte Segurantzaren Foro Aldizkariaren zuzendaria da, Gizarte Segurantzaren Administrazioko Teknikarien Goi Mailako Kidegoko Elkarte Profesionalak urtero argitaratzen duenarena.

2023ko abuztuan, Barneko, Funtzio Publikoko eta Justiziako Departamentuko Funtzio Publikoko zuzendari nagusi izendatu dute.