Itziar Gómez Landa Garapeneko eta Ingurumeneko kontseilariak Nafarroa baso ziurtagiri jasangarriaren erreferente gisa nabarmendu du Foresna-Zurgaia Nafarroako Baso Elkarteak sustatutako "Basoko bainuak" proiektuaren ondorioak azaltzeko jardunaldian. Foru Komunitatea, estatu mailan, baso-kudeaketa iraunkorraren buruan dago, baso-lurren ia % 60k baso-kudeaketa jasangarriaren ziurtagiria baitu, eta kopuru hori % 94ra igo da mendi publikoen kasuan.

“Basoko Bainuak” proiektuaren helburua da basoek pertsonen osasun fisiko eta mentalean dituzten onurak definitzea, esperimentatzea eta identifikatzea. Proiektuaren emaitzak gaur aurkeztu dira, bi urtez lanean aritu eta gero. Landa Garapen eta Ingurumeneko Departamentuak, Nafarroako Baso Jabeen Elkartearekin (FORESNA-ZURGAIA) urtero sinatzen duen hitzarmenaren bidez, proiekturako 20.000 euroko laguntza jarri du. Proiektuan, Foresna-Zurgaiaz gain, Basarteak, Gure Sustraiak eta Nafarroako Unibertsitateak hartzen dute parte.

‘Basoko Bainuak’ proiektuak basoko kudeaketa iraunkorra sustatzen du, eta klima-arloko erronketan kokatzen da, ingurumenaren aldetik arduratsua eta baliabideen erabileran eraginkorra den lurraldean, pertsonen eta jardueraren arteko orekarekin, Gomez kontseilariak adierazi duen moduan. “Proiektua bat dator Nafarroako Baso Agendarekin, eta ezin genuen honako hau bezalako ekimenetatik kanpo geratu, basoek osasunean dituzten ondorio onuragarriak sustatzen baitituzte, aberastasuna sortzeaz gain enplegu kualifikatu berrien bidez eta diru-sarrerak basoen jabeentzat”.

Nafarroako Baso Agendaren ardatzen artean, baso-sektorea sustatzea aurkitzen da, kontserbazioaren eta aprobetxamenduaren arteko orekan oinarrituta. Ildo horretan, Gomez kontseilariak nabarmendu du Nafarroa erreferentea dela baso-ziurtagiri iraunkorrean. “Nafarroa, baso-kudeaketa iraunkorrean, lehen postuan dago estatuan, baso-lurren ia %60 baso-kudeaketa iraunkorrean ziurtatuta baitu. Basoa, azken finean, osotasun bat da, eta, era horretan, basoa den aldetik ulertu eta kudeatu behar da”.

Nafarroako baso-aprobetxamendua

Foru Komunitateko lurraldearen %64 basotzat hartzen da. 450.000 hektarea inguru zuhaiztiak dira eta beste 190.000 inguru zuhaixka- eta larre-formazioak. Baso-ekosistemei dagokienez, barietatea oso handia da. Iberiar penintsulako pagadien heren bat Nafarroan dago, eta pinu basatiak, haritz mediterraneoak edo formazio mistoak bezalako beste espezie batzuk azalera handia hartzen dute.

Nafarroako baso-aprobetxamenduen bilakaera handia izan da azken urteetan, eta zur-baliabideak errebalorizatze aldera egin du; beraz, horrek erakusten du zuraren baliabide berriztagarrien erabilera handitu egin dela. Zuraren erabilera energetikoki bere produktu alternatiboak baino eraginkorragoa denez eta bertan CO2 kantitate handi bat finkatzen duenez, erabilera-igoera horrek, ezbairik gabe, klima-aldaketaren ondorioak arintzen lagunduko du.

Nafarroako Baso Agenda Legegintzaldi honen hasiera aldera onartutako dokumentu estrategikoa da, eta helburuen arteko bat basogintza-sektorea oro har bultzatzea da, baliabide guztien aprobetxamendu iraunkorra bultzatuz. Modu horretan, baso-baliabideen aprobetxamenduek balio ekologikoak kontserbatzea eta Nafarroako paisaia mantentzea bermatzeko ekintzak sartzen dira.