Foru Gobernuak, gaurko bilkuran, erabaki bat hartu du, zeinaren bidez baimena ematen baitzaio Landa Garapeneko zuzendari nagusiari nekazaritza-ustiategietarako aholkularitza-zerbitzuetarako urte anitzeko gastu-konpromiso bat hartzeko, neurri hori Nafarroako Landa Garapenerako 2014-2020 Programan sartuta baitago.

Erabaki horren arabera, Jaurlaritzak INTIA sozietate publikoari esleitzen dio lan hori egiteko ardura, 2014an Foru Komunitateko nekazaritza-ustiategietarako aholkularitza-erakunde publiko izendatu baitzuten.

Xede horretarako aurrekontua 1.900.000 eurokoa da, eta horietatik 589.000 euro (%31) Landa Garapenerako Europako Funtsak (LGENF) jarriko ditu. Gastua bi urtekotan egingo da: 1.140.000 euro 2022ko ekitaldiaren kontura, eta gainerako 760.000 euroak 2023aren kontura.