Nafarroako Gobernuak 4 milioiko laguntza eta inbertsio sorta zabaldu du dagoeneko, abenduko uholdeek azpiegituretan eta hiri-zuzkiduretan eragindako kalteak konpontzeko. Horiei, datorren astean, zuzkidura berriak gehituko zaizkie Landa Garapeneko eta Ingurumeneko eremuan.

Horixe da gaur Maria Chivite Nafarroako Lehendakariak iragarri duena, Foru Erregimenaren Batzordean, zeinetan agerraldia egin duen NA+-ren galdera bati erantzute aldera ibaietako ibilguen garbiketaren eta mantenuaren gainean eta dragatzeak egitearen gainean, aipatu uholdeen ondoren.

Maria Chivitek ziurtatu du “ibaien garbiketak funtsezkoak direla, ez ordea behar adinakoak” eta nabarmendu du beti konfederazio hidrografikoetako “analisi eta parametro teknikoen arabera” egin behar direla.

Ildo horretatik, azaldu du “Ebro Resilience” estrategiaren oinarria dela bateratu behar dela pertsonen eta ondasunen babesa ekosistemen babesarekin.  

“Jakinaren gainean uholdeak gertatzen jarraituko direla eta horiekin bizi izan beharko garela, -azpimarratu du Lehendakariak- hedatu behar dugunak dira prebentzio, larrialdiko jarduera neurriak eta, jarraian, jasandako kalteei aurre egiteko eta irtenbideak emateko neurriak”.

Horren harira, aipatu ditu prebentzio (ibilguen kontserbazioa eta lurraldearen eta hirigintzaren antolamendua), hiri-guneak babesteko (defentsa-sistemak, bideratze-ibilguak, drainatzeak), prestaketa (informazioaren, komunikazioaren, auto-babesaren hobekuntza, eraikinen eta ustiapenen egokitzapena) hala nola berreskurapen (bermearen sustapena, zerbitzuen berrezarpena) jarduerak.

Neurri horiekin batera aipatu ditu halaber ur masen ekosistemak (luzeraren jarraipena eta uraren kalitatea) eta habitatak (ibaien berrezarpena eta espezie interesdunen babesa) hobetzeko lanak.

Abian diren jarduketak

Lehendakariak iragarri du Nafarroako Gobernuak aktibatu dituela dagoeneko hiri azpiegiturak konpontzeko eta dohaintzak egiteko 4 milioi euro. Horien hein bat, jadanik exekutatzeko bidean, Toki Inbertsioen Planaren larrialdi jarduketen  bitartez bideratzen dira. Horien artean daude zolaketen birjarpena, alta dauden hornidura-saretako bideak, hala nola saneamendu eta euri-uren sareetakoak.

Multzo honen baitan hartzen da kalteen konponketa errepidetako sarearen 110 gunetan, lur-jausiak, labainketak, urperatzeak, fabrikako lanak lurrez estaltzeak, etab., denbora gutxi barru hasiko direnak.

Partida hauei erantsiko zaizkie foru Exekutiboak datorren astean onartuko dituen inbertsioak eta bere jomugak dira Landa Garapeneko eta Ingurumen alorretako jarduketak.

Bestalde, Foru Administrazioak bideratzen dituen funtsak alde batera utzita, konfederazio hidrografikoak eremu kaltetuetan jarduketak garatzen ari dira.

Auto-babesa eta koordinazioa kaltetutako udalerriekin

Bere mintzaldian, Lehendakariak aipatu du arrisku eremuak auto-babesteko kultura sustatzearen garrantzia. Horren harira zehaztu du 43 udalerri nafarretan dagoeneko dagokion uholdeen arrisku plana martxan dagoela eta beste ekintza batzuk exekutatzeko bidean direla, adibidez Faltzesen uholdeak ekiditeko, eta Europako React funtsetatik datozen 1 milioi euroko aurrekontu bat dutela.

Amaitzeko, azpimarratu du koordinazioa funtsezko elementu bat dela fenomeno hauek ahalik eta modurik egokienean ebazteko. Koordinazio eta elkarrizketa hau da, bere esanetan, “etengabea” kaltetutako pertsonekin eta udalerriekin, edota Espainiako Gobernuarekin eta konfederazio hidrografikoekin eta hedatu da halaber babes zibileko baliabidetara.