Testuak irakasleen eta zuzendaritza-taldeen agintea finkatzen du. Horrela, erraz eta azkar aplikatzen diren tresnak ematen die, ikastetxeetan giro egokia berehala ezartzeko berriz. Bestalde, eskola-elkarteko eragile guztiek gatazkak ebazteko, partekatua eta partaidetzazkoa den kudeaketa sustatzen du. Halaber, ikastetxeen autonomia sustatzen du, eskola-bizikidetzaren planean dekretu bidez jasotako alderdiak finka ditzaten.

Eskola-elkarteak askotan eskatutako dekretua da, eta eragile hauek parte hartu dute: ikastetxe publikoetako zuzendarien elkarteek, sindikatuek eta irakasleen elkarteek, guraso elkarteen federazioek, Foru Erkidegoko ikastetxe pribatuetako elkarteek edo Arartekoak.

Foru Dekretuak ikasleen eskubideak eta betebeharrak ezartzen ditu; berdinak dira guztientzat, adinak eskatutako bereizgarriak izan ezik.

Ikasleek eskubide hauek dituzte: funtsezko eskubideak eta askatasunak errespetatzeko eta bizikidetza-printzipio demokratikoetan

Betebeharrei dagokienez, hauek aipa daitezke: ikastea; eskolaren lana eta irakaslearen eta zuzendaritzaren agintea errespetatzea eta eskola-elkarteko beste eragile batzuek edo han zerbitzuak ematen dituzten eragileen aginduei jarraitzea; eskola-bizikidetza hobetzen eta ikasteko giro egokia lortzen modu positiboan laguntzea eta horretan parte hartzea; pertsonak errespetatzea; ikastetxera jantzi eta higiene egokiaren joatea eta zentroko, haien inguruko eta eskola-garraioaren instalazioak, ekipamenduak ,altzariak eta materialak zaintzea eta modu egokian erabiltzea.

Bestalde, ikastetxeetako bizikidetza arautzen du testua eta guztiek beraien bizikidetza plana egin behar dutela ezartzen du. Plan horiek, prebentzioa eta diziplina arazoak sortzekotan aplika daitezkeen neurriak konbinatu beharko dituzte. Hezkuntzazko izaera izango dute beti, edozein dela bizikidetzaren kontrako jokabide mota. Ebazteko neurrien artean aipa daitezke, besteak beste, bitarteko izatea, gatazkak hitz eginez konpontzen ikastea, tutorearen egitekoa sustatzea eta familiekin koordinatzea.

Ikastetxe bakoitzaren berariazko planak egiten ari dira oraindik, eta bizikidetzaren kudeaketa-eredu integratuaren aldeko apustua egin beharko dute. Bestalde, eskola-elkartean inplikatuta dauden eragile guztien, hots, ikastetxeko zuzendariaren, irakasleen, ikasleen, gurasoen, eskola-kontseiluaren eta Hezkuntza Departamentuaren partaidetza sustatuko dute.

Diziplina ezak zuzentzeko berehalakotasunari jarraitu zaio; horrela, prozedurak azkartu eta laburtu dira, beharrezkoa ez zen judizializazioa saihestuta. Horri esker, hain larriak ez diren jokabideen aurrean jardun daiteke, larriago ez bihurtzeko. Nobedade moduan, hitzartutako prozedura dago. Abantaila bat du, familiek bizikidetzarako larriki kaltegarriak diren jokabideak zuzentzeko parte har dezaketelako.

Hain zuzen, familiek hezkuntza-prozesuan parte hartzea da dekretuaren alderdi garrantzitsuenetako bat. Asmo da inplikatzea eta konpromiso hartzea, bizikidetza hobetzeko, eta zenbait jokabide zuzendu behar diren kasuetan parte hartzeko. Hartarako, gurasoen edo legezko ordezkarien eskubideak eta haien erantzukizunak idatzi dira.