Landa Garapeneko eta Ingurumeneko Departamentuak egindako lehen balorazio ofizialaren arabera, nekazaritza-erabileran eragindako azalerak 10.000 hektarea garbi baino gehiago dira Nafarroa osoan laborantza-lurretan eta labore iraunkorretan, eta eragin handiagoa dute brokoli-laboreetan (3.400 hektarea) eta azalorean (1.100 hektarea).

Gaur goizean, Itziar Gomez kontseilariak bisitak egiten jarraitu du Tuterako, Ribaforadako eta Buñuelgo kalteak egiaztatzeko. Harekin batera izan dira Ribaforadako alkatea, Tirso Calvo; Buñuelgo alkatea, Mayte Espinosa; Tuterako Udaleko ingeniaria, Francisco Dominguez; Nekazaritzako zuzendari nagusia, Ignacio Gil; eta Azpiegitura Zerbitzuko zuzendaria, Juan Pablo Rebolé. Departamentua lanean ari da jada Nekazaritza, Arrantza eta Elikadurako eta Trantsizio Ekologiko eta Erronka Demografikoko ministerioekin modu koordinatuan, konpontzeko lanak antolatzearren, Udalek udalerri bakoitzeko kalteen memoria xehatuak bidaltzeko zain dauden bitartean. Departamentuko taldek teknikoak arduratuko dira ondoren ikuskatzeaz, kalteak ebaluatzeaz eta larrialdiko konponketak programatzeaz.

Nekazaritza-partzelen gaineko lehen ebaluazioari nekazaritzako azpiegiturek izandako kalteak batu behar zaizkie; pentsatzen da 2.000 hektarea inguru izango zirela kaltetuak.

Kalteen inguruko xehetasuna

Kaltetutako azaleratik, 9.900 hektarea laborantza-lurrei dagozkie, eta horien artean arto-lurrak bereizten dira, 2.192 ha-ko azalera kaltetua eta %63 aseguratuta; neguko zereala, 2.000 ha kaltetu eta %90 aseguratuta; alpapa, 1.041 ha kaltetu eta %4,91 aseguratuta; brokolia, 3.400 ha kaltetu eta %49 aseguratuta; azalorea, 1.100 ha kaltetuta eta %77 aseguratuta; orburua, 86 ha kaltetu eta %4,89 aseguratuta; zainzuria, 62 ha kaltetu eta %4,89 aseguratuta; eta kardua, 13 ha kaltetu eta %4,89 aseguratuta. Era berean, negutegien 1,73 ha  eta baratzen 9,95 ha kaltetu dira.

Labore iraunkorrei dagokienez, berriz, 153 hektarea kaltetu dira, eta horietatik 91 ha fruta-arbolenak dira, eta %55 aseguratuta daude; 36 ha mahastienak, eta %52 aseguratuta daude; 16,55 ha olibadienak, eta %20 aseguratuta daude; eta 9 ha fruitu lehorrenak eta %10 aseguratuta daude.

Horrez gain, laboreen kalte ekonomikoen peritajeak osatzea falta da, datorren udaberrira arte ez baitira amaituko, harik eta zerealaren peritajea amaituta egon arte.