Nafarroako Kirolaren Institutuak, Nafarroako Osasun Publikoaren eta Lan Osasunaren Institutuarekin ados jarrita, eta pandemiaren bilakaeraren datuak ikusita, erabaki du harreman- edo aurkaritza-kirolen kategoria autonomiko batzuen hasiera-data aldatzea. Hain zuzen ere, larunbat honetan kategoria absolutu edo seniorren hasierari eutsiko zaio, eta futbolean gutxienez 15 egun atzeratuko dira Lehen Erregionala (senior kategoria batekoa da) eta gazteen eta behekoen kategoriak.