navarra.es

Castellano | Euskara | Français | English

Bilatzaile erabili!

467/2013 Ebazpena, irailaren 13koa, Hezkuntzaren, Lanbide Heziketaren eta Unibertsitateen zuzendari nagusiak emana, Hezkuntzako Ikuskapen Zerbitzuaren Plan Estrategikoa onesten duena, 2013-2017 aldirako

 

(Testu bateratua. Jatorrizkoa 2013ko 197. NAOn argitaratua, urriaren 11n. Aldaketa: 189/2014 Ebazpena, maiatzaren 12koa)

Atarikoa

Politika Publikoak eta Zerbitzu Publikoen Kalitatea Ebaluatzeari buruzko abenduaren 29ko 21/2005 Foru Legeak hainbat neurri jasotzen ditu zerbitzu publikoen kalitatea ebaluatzeko eta hobetzeko.

Ebaluatzeko eta hobetzeko esparru honen barnean, Hezkuntza Departamentuko Hezkuntzako Ikuskapen Zerbitzua, jakinik zer erronka planteatzen dituen ezagutzaren gizarteak, eginahal handia egiten ari da azkeneko urteetan, kalitatea kudeatzeko prozedurak, metodoak, teknikak eta tresnak ezartzeko.

Hezkuntzako Ikuskapenaren antolaketa eta funtzionamendua arautzen dituen ekainaren 30eko 80/2008 Foru Dekretuaren bidez, xedatu zen Ikuskapen Zerbitzuak Plan Estrategiko bat izanen zuela.

Hezkuntzako Ikuskapen Zerbitzuak hausnarketa eta planifikazio estrategikoa sartu zituen bere kudeaketa sisteman, irailaren 24ko 416/2008 Ebazpenaren bidez (ebazpen horren bidez lehenbiziko Plan Estrategikoa, 2008-2012 aldirakoa, onetsi zen).

Gaur egun, hezkuntza sistema legeria berri bati buruz eztabaidan ari da buru-belarri, izan ere legeria berri horrek hezkuntza sistemaren antolamendua berrikustea ekar baitezake.

Horregatik denagatik, Hezkuntzako Ikuskapen Zerbitzuaren antolaketarako bereziki egokia da 2013-2017 aldirako Plan Estrategikoa prestatzea; plan estrategiko bat zeinak, aurreko plana gauzatu ondoko esperientzia aprobetxatuz, etorkizuneko ikuspegi bat aurreikusiko baitu, lana ongi egiteko ildoak markatzeko.

Plan estrategiko honetan oinarriak eta helburuak bildu dira, Nafarroako Foru Komunitateko Hezkuntzako Ikuskapen Zerbitzuaren zuzendaritzaren eta kudeaketaren norabidea ezartzeko.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz, ebatzi dut:

Lehena.–Hezkuntzako Ikuskapen Zerbitzuaren 2013-2017 aldirako Plan Estrategikoa onestea, honako eranskin hauetan xedatutakoarekin bat: I Plan Estrategikoa, II Prozesuen matrizea, III Arlo kritikoak, helmuga estrategikoak eta prozesuak eta proiektuak, IV Ekintza estrategikorako plana, eta V Jarraipena eta ebaluazioa.

Bigarrena.–Ebazpen honen eta oinarrien aurka gora jotzeko errekurtsoa jar daiteke, Hezkuntza Departamentuko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

Hirugarrena.–Ebazpena eta oinarriak Hezkuntzako Ikuskapen Zerbitzura eta Nafarroako Aldizkari Ofizialera igorriko dira, behar diren ondorioak izan ditzaten.

I. ERANSKINA. Plan Estrategikoa

1. Definizioa.

Garai honetan, non hezkuntza sistema eta gizartea oro har aldatzen eta eraldatzen ari baita, planifikazio estrategikorako prozesuak bidea ematen du aurrean diren erronkei eta desafioei aurre egiteko.

Planifikazio estrategikoak berarekin dakar, lehenik, barne hausnarketako prozesu bat, zerbitzuaren gaitasunei eta baliabideei buruz, baita kanpoko azterketa bat ere, gure inguruneko baldintzei buruz. Bigarrenik, berarekin dakar, orobat, ikuskatze jardunaren etorkizuna definitzea.

2013-2017 aldirako Plan Estrategikoa da erakundeen zuzendaritzarako eta kudeaketarako tresna bat, eta hartan estrategia egokienak biltzen dira, bilatzen diren helburuak eta helmugak ezartzen dira eta horretarako dauden bitartekoak aztertzen.

Bidea ematen du ikuskapeneko esku-hartze zentzuzkoa bermatzeko, homogeneoa eta efizientea, eta, horretarako, zuzendaritza bakarrean batzen ditu, helburu bakarra eta bera izanik, atalen, bulegoen, eremuen, arloen eta ikuskatzaileen eginahalak.

Bistan denez, Hezkuntza Departamentuak ezarritako ekintza ildoak erreferente garrantzitsu gisa jaso dira, hezkuntza politikako helburuak betetzen laguntzeko.

Planen barrenean, jarraipena egiteko eta ebaluatzeko mekanismoak jaso dira.

2. Aurrekariak.

2005. urtean, Ikuskapen Zerbitzuaren planifikazio estrategikoa egiteko lehen esperientzia izan zen, orduan egin baitzen Zerbitzuaren Lau Urteko Jarduketarako Plan Orokorra, 2005-2008 aldirako.

Gero, 2008-2012 aldirako Zerbitzuaren Plan Estrategikoa abiarazi zen.

Plan horren indarraldia bukaturik, hausnarketa estrategiko berri bat egin zen, eta plan hau haren emaitza da.

3. Prestaketa.

Hurrengo lau urterako hausnarketa estrategikoa bost fasetan garatuko da:

–Prestaketa fasea: aldez aurreko lanak, eginen diren jarduketak zehaztea, parte-hartzearen zehaztapena eta lan plangintzaren prestaketa.

–Inguruneko informazio garrantzitsua aztertzeko fasea: identifikatzea zein diren hezkuntzako ikuskatzean erabakigarriak diren kanpoko faktoreak, funtzionamendua eta emaitzak baldintzatzen dituztenak.

–Barneko informazio garrantzitsua aztertzeko fasea: jarduna baldintzatzen duten giltza-faktoreak; hauen bidez zehaztuko dira: talde fokala (ikastetxeetako zuzendariei zuzendutako elkarrizketak), AMIA analisiak (ahuleziak, mehatxuak, indarrak eta aukerak), erakundea planifikatzeko agiriak ikertzea eta ikuskatze eremuetako ekarpenak.

–Etorkizuna zehazteko fasea: arrakastarako faktore erabakigarriak zein diren zehaztea, helmuga estrategikoak, prozesuak eta proiektuak eta adierazleak.

–Inplementatzeko eta zabaltzeko fasea.

Hausnarketa kolektibo baten bidez egiten da planifikazio estrategikoa egiteko prozesua, Ikuskapen Zerbitzuko kide guztiek parte hartzen dutela, bi mailatan. Batetik, zerbitzuko zuzendaritzak eta eremuetako koordinatzaileek hausnarketa estrategikorako talde bat eratuko dute, eta talde hori diagnostikoaz, analisiaz eta etorkizuna zehazteaz arduratuko da. Beste alde batetik, ikuskatze eremuek taldearen emaitzak aztertuko dituzte, eta ekarpenak eginen.

4. Xedea, ikuspegia eta balioak.

Hezkuntzako Ikuskapen Zerbitzua, Hezkuntza Departamentuaren menpeko organo administratiboa, arduratzen da Nafarroako Foru Komunitateko hezkuntza sistema ikuskatzeaz, ondoko xede, ikuspegi eta balioekin:

Xedea.

Hezkuntzako Ikuskapen Zerbitzuak begiratu nahi du indarreko araudia bete dadila, hezkuntza sistemari dagokionez.

Hezkuntzako Ikuskapen Zerbitzuak hezkuntza komunitateko kideei informazioa eta aholkua eman nahi dizkie, eskubideak erabiltzen eta betebeharrak betetzen direla bermatzeko.

Hezkuntzako Ikuskapen Zerbitzuaren asmoa da hezkuntza sistema etengabe hobetzea, ikastetxeen funtzionamenduari dagokionez, baita irakaskuntza-ikaskuntza prozesuei dagokienez ere.

Hezkuntzako Ikuskapen Zerbitzuak konpromisoa hartzen du Nafarroako Foru Komunitateko hezkuntza sistemaren ebaluazioa egiteko eta irakaskuntzaren kalitatearen hobekuntzarako proposamenak igortzeko.

Halaber, hezkuntzako agintari eskudunei hezkuntza programen eta jardueren gaineko informazioa emateko konpromisoa bere gain hartzen du Hezkuntzako Ikuskapen Zerbitzuak.

Ikuspegia.

Hezkuntzako Ikuskapen Zerbitzuaren nahia da honako hauek ezaugarri izatea:

–Prestakuntza maila tekniko eta profesional handia, eta giza baliabide eta baliabide material egokiak izatea.

–Ikastetxeei ematen dien laguntza, haien beharrak ezaguturik.

–Hezkuntza sistema hobetzeko lidergoa, horretarako ikastetxeen kalitate eta hobekuntza prozesuetan laguntza emanez eta parte hartuz.

–Independentzia, eginkizunak betetzean.

–Jarduketa-irizpide homogeneoekin aritzea, taldean eta helburuak argi izanik.

–Hezkuntza sistema osatzen duten sektore guztiek errespetatzea eta haien profesionaltasuna balioestea.

Balioak.

Hezkuntzako Ikuskapen Zerbitzuaren oinarrizko kultura eta balioak ondokoak dira:

–Lanerako espiritua: lanerako, ardurak hartzeko eta lanean aritzeko espiritua.

–Errespetua: pertsonen ideiak errespetatzea, ongi egindako lana eta jendeak betetako egitekoak aitortuz. Ikastetxe guztiei tratu bera ematea.

–Giro eta harreman onak: jarrera positiboak, harreman onak bultzatzen dituztenak. Errealitatearen ikuspegi positiboa. Jendearen arteko harreman onak eta komunikazio irekia. Enpatia.

–Kalitatea eta etengabeko hobekuntza: ongi egindako lanaren kultura. Etengabeko hobekuntzarako jarrera. Hobekuntzan eta kalitatean gogotik inplikatzea. Planifikatzeko eta antolatzeko kultura. Zorrotz, objektiboki, irizpide homogeneoekin eta diziplinarekin aritzea lanean. Etengabeko prestakuntzarako jarrera.

–Bezeroarengana bideratzea: lanean aritzea zerbitzuaren azken hartzailearengan pentsatuz. Ikaslea hartzea bezero nagusitzat. Barneko eta kanpoko bezeroen balio pertsonala eta profesionala bulkatzea.

–Berrikuntza eta sormena: jarrera irekia, lanbideko eta sistemako aldaketen aurrean. Jarrera eraikitzailea. Jarrera irekia teknologia berrien aurrean.

5. Estrategiak.

Zerbitzuaren oinarri diren xedearekin, ikuspegiarekin eta balioekin bat, honako hauek dira Hezkuntzako Ikuskapen Zerbitzuaren estrategiak:

–Plangintza selektiboa, horretarako jarduketa batzuk lehenetsiz.

–Ikastetxeen beharrekin, espektatibekin eta emaitzekin bat datorren ikuskapeneko esku-hartzea, proportzionala.

–Espektatiba handiak, ikastetxeetan egiten den ikuskapeneko esku-hartzean.

–Balio erantsia, ikuskapeneko esku-hartzearen bidez.

–Ikastetxeak hobetzeko jarduketetan prestakuntza-ikuspuntua izatea.

–Irakaslanean adierazgarriak diren alderdietan eragitea.

–Gainbegiraketan “a priori” ikuspegia izatea, aldez aurretik informazioa jasoz.

–Irizpide teknikoak, konpartituak, erabiltzea esku hartzean.

–Irakaskuntzaren metodologia berritzeko bulkada ematea, aldaketa kultural eta teknologikoekin bat.

–Ikastetxeetako bigarren mailako arduretan esku hartzea: klaustroak, Koordinazio Pedagogikorako Batzordea, departamentuak/zikloak.

–Ikastetxeetan emaitzak lortzera bideratzea.

–Ikastetxeekin harreman jarraitua izatea.

–Adimen emozionaleko kultura izatea harreman profesionaletan.

–Taldeko lana.

–Etengabeko prestakuntza.

–Prozesuen araberako kudeaketa.

–Zerbitzuaren antolaketa malgua.

–Berrikuntza, administrazioaren esparru guztietan eta ikastetxeetan.

–Administrazioan eta ikastetxeetan efizientziaren kultura sustatzea.

–Hezkuntzako erabakiak hartzeko faseetan zerbitzuak parte hartzea.

–Departamentuaren lehentasunezko helburuekin bat egitea, bezeroarengana bideratzeko modu gisa.

6. Arlo kritikoak.

Honako hauek dira Hezkuntzako Ikuskapen Zerbitzuak landuko dituen arlo kritikoak, non eraldatzeko eginahala indartuko baita:

–Kontrola eta gainbegiratzea.

–Ebaluazioa.

–Ikastetxeei laguntza eta sostengua ematea.

–Lidergoa, hezkuntzako berrikuntzan.

–Egitura eta antolaketa.

–Kalitatea eta Informazioaren eta komunikazioaren teknologiak.

–Ezagutzaren kudeaketa.

–Prestakuntza.

–Erakunde harremanak, elkarlanak eta aliantzak.

7. Helburu estrategikoak.

Hezkuntzako Ikuskapen Zerbitzuak etorkizunerako ikusten dituen aukerak helburu estrategikoen araberakoak dira, alegia, Arrakasta Lortzeko ondoko Faktore Erabakigarriek irudikatzen dituztenak:

–Kontrola eta gainbegiratzea:

• Kontrol eta gainbegiratze prozesuak (hasierako kontrola, planifikazioaren gainbegiratzea...) bideratzea baliabideak optimizatzera, emaitza akademikoak hobetzera eta kontuak ematera, programatutako urteko helburuei dagokienez.
• Gainbegiraketaren “a priori” ikuspuntua bultzatzea, aldez aurreko informazioaren bidez eta erabili beharreko irizpideen argitasun eta gardentasunaren bidez.
• Hezkuntza sistemaren muina diren alderdiak gainbegira daitezela sustatzea, eta ikastetxeen hainbat urterako proiektuetan eta plan garrantzitsuetan esku hartzea.

–Ebaluazioa:

• Nafarroako sistemaren eta ikastetxeen ebaluazioa bultzatzea eta horretan buru izatea, eta nazioarteko ebaluazioetan parte hartzea.
• Irakasleen gaineko ebaluazioa bultzatzea, eta ebaluazio hori birbideratzea, irakasleen gaitasunak garatzeko lagungarria izan dadin, garrantzi berezia emanez irakaslaneko lehen urteetako ebaluazioari.
• Zuzendaritza-lanaren ebaluazio prozesua erraztea, arrazionalizatzea eta hobetzea.

–Ikastetxeei laguntza eta sostengua ematea:

• Ikastetxeen bisitak eta laguntza handitzea, beren errealitatea ezagutuz, irakaslaneko muina diren alderdiei garrantzia emanez (urtean lehentasunezko jarduketa bat), ikastetxeen hainbat urterako proiektuetan eta plan garrantzitsuetan esku hartuz, jardunbide egokiak erraztuz eta ikastetxeetako organoetan parte hartuz (Koordinazio Pedagogikorako Batzordea, departamentu didaktikoak, zikloko taldeak, gelak...).

–Lidergoa, hezkuntza-berrikuntzan:

• Honako hauetan izaten den parte-hartzea indartzea: gai berrien eta hezkuntzako berrikuntza proiektuen (metodologiak, gaitasunak, hizkuntza planteamenduak, Informazioaren eta Komunikazioaren Teknologiak gelan, kultura-artekotasuna, bizikidetza...) aholkularitza, gainbegiratzea eta ebaluazioa.

–Egitura eta antolaketa:

• Ikuskatze eremuak bultzatzea koordinaziorako, prestakuntzarako eta lanerako zinezko talde gisa, bilerak sendotuz (maiztasuna, kasuen azterketa, arauen azterketa, dokumentuen analisia...).

–Kalitatea eta Informazioaren eta komunikazioaren teknologiak:

• Bultzada ematea Informazioaren eta komunikazioaren teknologiak ikuskatze eginkizunen garapenean sar daitezen (zerbitzu telematiko osoak; bisiten liburu digitala, EDUCA aplikazioan sartua; Ikuskapen Zerbitzuak bere plataforma digitala izatea, ikastetxeekin elkarreragina izateko eremu izan dadin; kanpoko ebaluazioen digitalizazioa...).

–Ezagutzaren Kudeaketa:

• Zerbitzuaren ezagutzaren kudeaketa hobetzea, eta, horretarako, ikastetxeei buruzko informazioa jasotzea eta erabiltzea iturri bakar eta lehenetsi batetik, oraingo iturriak batuz (DOC eguneratua), eta aplikazio digital konpartitua ezarriz, hezkuntzako araudiari buruz, departamentuko beste zerbitzu batzuekin elkarlanean.

–Prestakuntza:

• Hezkuntzaren ikuspuntutik garrantzitsuak diren gaietan (bizikidetza, gatazkak konpontzea, hezkuntza konparatua, prozedura administratiboa...) sakontzea, eta horretarako prestakuntza-guneak gordetzea.

–Erakunde harremanak, elkarlanak eta aliantzak:

• Intereseko taldeen pertzepzioen eta espektatiben ezagutza hobetzea, eta, horretarako, horiekin izaten diren harremanak eta aldian aldiko lan saioak sistematizatzea.

8. Helmuga estrategikoak.

Hurrengo lau urtean hezkuntzako ikuskapenaren kudeaketa eredua taxutzeko, honako hauek izanen dira helburu estrategikoak edo mugarriak:

–Kontrola eta gainbegiratzea:

• Ikasturte hasierako gainbegiraketa birdefinitzea, ikastetxeei buruz aldez aurretik informazioa jaso dadila bultzatzeko, esaterako gai hauetan: hasierako antolamendurako eta funtzionamendurako jarraibideak eta urteko programazio orokorra. Halaber, jarduketa bideratze, baliabideak optimizatzeko eta emaitzak hobetzeko helburuz.

–Ebaluazioa:

• Behar denean, ikastetxeen kanpoko ebaluazioak lege-esparru berrira egokitzea, eta datu-base berri bat sortzea, non jasoko baitira kanpoko ebaluazioen emaitza historikoak, luzerako ikuspuntuarekin.
• Ikastetxeak hobetzeko planen jarraipena berrikustea, emaitzetara bideratutako ikuspuntuarekin, eta, horretarako, irakasle taldeek esku hartuko dutela bermatzea, eta jarduketari adibide-izaera ematea.
• Irakasleak haien lehenbiziko ikasturtean ebaluatzea, gaitasun profesional nahikorik ez badute hori antzemateko eta esku hartzeko.
• Zuzendaritza lanaren ebaluazioa birdefinitzea eta erraztea, ikastetxeetako errealitateei egokituz.

–Ikastetxeei laguntza eta sostengua ematea:

• Hezkuntzako Ikuskapen Zerbitzuaren urteko jarduketa planean jarduera ireki bat sartzea, aholkularitzarako, orientaziorako eta laguntzarako, ikastetxeetako ekimenei erantzuna emanen diena, ikuskatzaileari proposatutako proiektuetan, planetan eta gai garrantzitsuetan.

–Lidergoa, hezkuntzako berrikuntzan:

• Ikastetxeetako programa eleaniztunen (ingelesez ikasteko programak, atal elebidunak...) aholkularitzan eta gainbegiratzean parte hartzea, zerbitzu eskudunekin elkarlanean.

–Egitura eta antolaketa:

• Ikuskatze eremuen funtzionamendua bultzatzeko protokoloa ezartzea.

–Kalitatea eta Informazioaren eta Komunikazioaren Teknologiak:

• Ikastetxeen kanpoko ebaluazioetako probak digitalizatzea.
• ECO eta Workflow aplikazio informatikoetan, informazioaren tratamendua harmonizatzea.
• Ikuskatzailearen profila zehaztea Educan.
• ECO plataforma digitala garatzea, ikuskapen txostenak elektronikoki artxibatzeko.

–Ezagutzaren Kudeaketa:

• Informazio iturri bakarra eta lehentasunezkoa izatea, eta, horretarako, ECO, I:/ eta, ahal dela, Educa batzea.

–Prestakuntza:

• Urte anitzeko prestakuntza proiektu bat ezartzea, gaitasun profesionalei eta gai garrantzitsuei erantzuna emanen diena, hezkuntzako ikuspuntutik, eta horretarako tokiak gordetzea.

–Erakunde harremanak, elkarlanak eta aliantzak:

• Zerbitzuaren ardurapekoak diren gaiei buruz urtero bilerak izatea zuzendari elkarteekin.

9. Azterlanak eta proiektuak.

Planean hainbat proiektu eta prozesu daude, ezarritako helburuak eta asmoak betetzera bideratuak.

Hausnarketa estrategikoak berarekin ekarri du Hezkuntzako Ikuskapen Zerbitzuaren prozesuen matrizea aldatzea, honako hauei arreta emanez: antolamendu berriaren irizpideak, prozesuen indarraldia eta prozesu berrien diseinua.

Prozesuen mapa honen barnean daude giltza diren prozesu operatiboak, prozesu estrategikoak eta laguntzarako eta kudeaketarako prozesuak.

Planaren indarraldian garatu beharreko prozesuak ebazpen honen II. eranskinean zehaztu dira.

Hezkuntzako legerian iragarritako aldaketek, beharbada, aldaketa berriak ekarriko dituzte prozesuetara.

10. Arduradunak.

Plan estrategikoak, ekainaren 30eko 80/2008 Foru Dekretuarekin bat (haren bidez Hezkuntza Departamentuko Hezkuntzako Ikuskapenaren antolaketa eta funtzionamendua arautu ziren), plana gauzatzeko erantzukizunak ezartzen ditu.

Ebazpen honen III. eranskinean zehazten da zer erantzukizun esleituko zaizkion zerbitzuko antolamendu-egitura bakoitzari. Planaren kudeaketaren jabe erantzule direnak arduratuko dira helmuga estrategikoak betetzeko prozesuak eta proiektuak diseinatzeaz eta garatzeaz.

11. Garapena.

Plan estrategiko hau lau ikasturtetan garatuko da, dagozkien ekintza estrategikorako planen bidez, zeinak zerbitzuaren urteko ekintza planean sartuko baitira. Ebazpen honen IV. eranskinean azaldutako ereduarekin bat diseinatuko dira plan horiek.

2013-2014 ikasturtean ekintza estrategikorako lehenbiziko plana diseinatuko eta gauzatuko da, eta honako hauek izanen ditu barnean: arlo kritikoak, helmuga estrategikoak, ekintzak, proiektuak/prozesuak, adierazleak eta arduradunak.

12. Jarraipena eta ebaluazioa.

Helmuga estrategikoen lorpen maila neurtzeko, aldaketa beharrak atzemateko eta, hala badagokio, behar diren doikuntzak egiteko, jarraipen sistema bat aurreikusi du plan estrategikoak.

Zerbitzuko zuzendariaren zuzendaritzapean, urtero plan estrategikoaren jarraipena eta ebaluazioa eginen dira, ebazpen honen V. eranskinean azaldutako tresnaren laguntzaz. Ebaluazioaren emaitzak atal gisa sartuko dira zerbitzuaren azken memorian.

Ezarritako betetze-adierazleekin bat eginen da helmuga estrategikoen jarraipena eta ebaluazioa, baita ekintza estrategikorako planak esleitutako erantzukizunekin bat ere.

Plan estrategikoaren indarraldia bukatzean, hari buruzko azken ebaluazioa eginen da, eraginkortasun maila zehazteko. Emaitza horiek 2016-2017 ikasturteko azken memorian sartuko dira.

13. Aurreikusitako aldaketak.

Plan estrategikoan tokia eta denbora aurreikusten dira iragarri gabeko beharrei eta eskaerei erantzuna emateko. Dagokion ekintzarako plan estrategikoa prestatzeko esparruan, ikasturte bakoitzean, behar berriei helduko zaie, eta plan estrategikoak behar dituen egokitzapenak eginen dira.

14. Indarraldia.

Hurrengo lau ikasturtean Hezkuntzako Ikuskapen Zerbitzua modernizatzeko eta hobetzeko oinarri gisa hartzen da plan estrategikoa, 2013-2017 aldian hain zuzen.

Indarreko planaren ezarpena bukatutakoan, haren ebaluazioa eginen da.

II. ERANSKINA. Prozesuen matrizea

 

PROZESUAK	AGIRIA	JABEA
GILTZA DIREN ERAGIKETA PROZESUAK (Bezeroentzako zerbitzua)
Produktua egitea	MP07
Zerbitzuaren plangintza eta diseinua
Katalogoa eta zerbitzuen gutuna onestea Zerbitzu berriak diseinatu eta garatzea Hasierako plangintza Txostenak egin eta ikus-onestea Ikastetxeekiko harremanak: bisita	PR0701 PR0702 PR0703 PR0704 PR0705	Zerbitzuko zuzendaria
Zerbitzua ematea
Kontrola eta gainbegiratzea	PR0711
Ikasturte hasierako gainbegiratzea: ikastetxeen antolamenduko alderdiak Ikastetxeen urteko plangintza gainbegiratzea: urteko plan orokorra eta memoriak Ikasketen jarraipena Irakasleen hutsegite-parteak gainbegiratzea Unibertsitateaz kanpoko ikastetxeetan ikur, logotipo eta idazkunen erabilera baimendu eta kontrolatzea Ikastetxeetako egutegia eta ordutegia onestea Aniztasunari arreta emateko programen eskaerak gainbegiratzea Agirien egiazkotasuna gainbegiratu eta ikus-onestea Ikastetxe pribatu itunduen eskola jarduerak eta zerbitzuak baimendu eta erregistratzea Zerbitzu osagarriak gainbegiratzea: jantokia eta garraioa	SB071101 SB071102 SB071103 SB071104 SB071105 SB071106 SB071107 SB071108 SB071109 SB071110	Ikuskatzailea
Ikastetxeen, irakasleen eta programen ebaluazioa	PR0712
Ikastetxeen funtzionamenduaren ebaluazioa Ikastetxeen hobekuntzarako planen jarraipena Ikastetxeetako kalitatea kudeatzeko sistemaren ebaluazioa Irakaslanaren ebaluazioa: irakasleen borondatezko ebaluazioa Irakaslanaren ebaluazioa: zerbitzu berezien ebaluazioa Irakaslanaren ebaluazioa: praktiketako funtzionarioen ebaluazioa Irakaslanaren ebaluazioa: lehen urteko lanbide-jardunaren ebaluazioa Zuzendaritza lanaren ebaluazioa Programen ebaluazioa	SB071201 SB071202 SB071203 SB071204 SB071205 SB071206 SB071207 SB071208 SB071209	Ikuskatzailea
Sistemaren ebaluazioa eta adierazleak	PR0713
Diagnostikoko ebaluazio orokorra Zentsuko ebaluazio diagnostikoa Ebaluazio proiektu nazionaletan eta nazioartekoetan parte hartzea Nafarroako hezkuntzako adierazleen sistema Ikastetxeetako emaitza akademikoak aztertzea	SB071301 SB071302 SB071303 SB071304 SB071305	Ebaluazio Atala
Ikastetxeei aholku ematea	PR0714
Ikastetxeei arauen gaineko aholkuak ematea Ikastetxeei antolamenduaren eta curriculumaren gaineko aholkuak ematea Gurasoei eta ikasleei aholkuak eta orientazioa ematea	SB071401 SB071402 SB071403	Ikuskatzailea
Hezkuntza administrazioari informazioa eta laguntza ematea	PR0715
Hezkuntza administrazioak eskatzen dituen txosten eta azterlanak egitea Hezkuntza itunei buruzko txostena egitea Eskolatzealdia malgutzearen gaineko txostena egitea Premia bereziak dituzten ikasleek HHn eta LHn ikasturte bat gehiago jarraitzeko baimena emateko txostenak egitea Espazioen beharrari buruzko txostena egitea Ikuskapeneko esku-hartzea, informazio publikoa eskuratzeko eskaeren aurrean. Ikasketa berriak baimentzeari buruzko txostena egitea Ikastetxeak baimendu, ireki eta ixteko txostenak egitea Eskola espazioen desafektazioari buruzko txostena egitea Irakasleen kidegoei dagozkien batzorde eta epaimahaietan parte hartzea Ikasleak ebaluatzeko batzorde eta epaimahaietan parte hartzea Departamentuak sortutako batzorde eta lantaldeetan parte hartzea Departamentuaren arau-proposamenak berrikustea Ikastetxetako zuzendarien aukeraketan parte hartzea Ikastetxeetako zuzendarien izendapen bereziaren proposamena	SB071501 SB071502 SB071503 SB071504 SB071505 SB071506 SB071507 SB071508 SB071509 SB071510 SB071511 SB071512 SB071513 SB071514 SB071515	Ikuskatzailea
Bizikidetza	PR0716
Ikasleen kalifikazioei buruzko erreklamazioak Ikuskatzaileen esku-hartzea, ikasleei hezkuntza-neurriak aplikatzeko prozeduren eta/edo ikastetxez aldatzeko proposamenaren aurrean Ikuskatzaileen esku-hartzea, eskolako jazarpena gertatzen denean Ikuskatzailearen esku-hartzea, kontratua suntsitzeko prozeduran Funtzionarioen aurkako diziplina espedienteak tramitatzea Ikuskatzailearen esku-hartzea, laneko jazarpena gertatzen denean Erreklamazio eta salaketei buruzko txostenak egitea Ikuskatzailearen esku-hartzea, hezkuntza komunitatean alarma sortzen duten gertakari larriak daudenean	SB071601 SB071602 SB071603 SB071605 SB071606 SB071607 SB071608 SB071609	Bizikidetza Arloa
Eskolatzea	PR0717
Hezkuntza eskaintzari buruzko proposamena egin eta ikastetxeei jakinaraztea Ikastetxeetako ikasleen eta taldeen zentsua eta eguneratzea Eskolatze prozesua koordinatzea eta ikasleak ikastetxeetan onartzeko prozesua gainbegiratzea Ikasleen eskolatzeari buruzko azterlanak egitea Eskolatzeari buruzko argibide eta aholkuak ematea ikasleei eta gurasoei	SB071701 SB071702 SB071703 SB071704 SB071705	Eskolatze Arloa
Plantillak zehaztea eta baliabideen aurreikuspena egitea	PR0718
Ikastetxeen plantilla organikoari buruzko proposamena zehaztea Ikastetxeen funtzionamendurako plantillari buruzko proposamena zehaztea Irakasle ibiltarien ibilbideak antolatu eta gainbegiratzea Hezkuntzako giza baliabideen beharrei eta erabilerari buruzko azterlanak	SB071801 SB071802 SB071803 SB071804	Baliabideen Plangintzako Arloa
PROZESU ESTRATEGIKOAK
Zuzendaritzaren erantzukizuna	MP05
Eginkizuna Politikak Plan Estrategikoa Urteko Plana Erantzukizunak	PR0501 PR0502 PR0503 PR0504 PR0505	Zerbitzuko zuzendaria
LAGUNTZA ETA KUDEAKETA PROZESUAK
Neurketa, analisia eta hobekuntza	MP08
Zerbitzuen eta prozesuen jarraipena eta neurketa Desadostasunak kudeatzea Hobekuntzaren kudeaketa. Zuzenketa ekintzak, prebentzio ekintzak eta berrikuntzaren kudeaketa Bezeroen gogobetetasuna neurtzea Barne auditoretza Datu azterketa Irizpideak homogeneizatzea eta kalibratzea Hobetzeko teknikak eta tresnak. Iradokizunak, kexak eta erreklamazioak	PR0801 PR0802 PR0803 PR0804 PR0805 PR0806 PR0807 PR0808 PR0809	Kalitateko arduraduna
Baliabideen kudeaketa	MP06
Langileen kudeaketa
Langileen hornikuntza Langileak hartzea Ikuskatzeko ikastetxeak esleitzea Ordezpenen kudeaketa Prestakuntza instituzionala Lan giroa: bizikidetza eta aitortza Barne komunikazioa	PR0601 PR0602 PR0603 PR0604 PR0605 PR0606 PR0607	Zerbitzuko zuzendaria
Baliabideen kudeaketa
Baliabideen esleipena (azpiegituren zuzkidura) Instalazioen eta ekipamenduen mantentze-lana Informazio ekipamendua: Eco Larrialdien prebentzioa eta tratamendua Erregistroa eta artxiboa Ekonomia eta erosketak kudeatzea Hornitzaileak ebaluatu eta hautatzea Kanpoko komunikazioaren kudeaketa: argitalpenak eta web orria	PR0611 PR0612 PR0613 PR0614 PR0615 PR0616 PR0617 PR0618	Zerbitzuko zuzendaria
Kalitatea kudeatzeko sistema	MP04
Kalitatearen eta prozesuen eskuliburua egitea Dokumentazioaren kontrola Sistemako erregistroen kontrola Prozesuak-azpiprozesuak diseinatu eta garatzea Kalitatearen planifikazioa Kalitate sistema berrikustea EFQM autoebaluazioa	PR0401 PR0402 PR0403 PR0404 PR0405 PR0406 PR0407	Kalitateko arduraduna

III. ERANSKINA. Arlo kritikoak, helmuga estrategikoak eta proiektuak eta prozesuak 2013-2017rako plan estrategikoak

Hezkuntzako ikuskapen zerbitzua

ARLO KRITIKOA	HE: HELMUGA ESTRATEGIKOAK (lortu beharreko emaitzak)	GILTZA PROZESUAK (ikuspuntua)	PROIEKTUAK (ikuspuntua)	ADIERAZLEA (lorpen mailaren ebaluazioa)	JABEA (arduraduna)	EPEA
KONTROLA ETA GAINBEGIRATZEA	Ikasturte hasierako gainbegiraketa birdefinitzea, ikastetxeei buruz aldez aurretik informazioa jaso dadila bultzatzeko, esaterako gai hauetan: hasierako antolamendurako eta funtzionamendurako jarraibideak eta urteko programazio orokorra. Halaber, jarduketa bideratze, baliabideak optimizatzeko eta emaitzak hobetzeko helburuz.	Ikasturte hasierako gainbegiratzea: ikastetxeen antolamendu alderdiak (SB071101)		Hasiera gainbegiratzeko prozesua birdefinitua	Ikuskatzailea	2013-2014
				Ikastetxeen zer ehunekotan gainbegiratu da hasiera prozesu berriarekin bat (%100)		2014-2015 Jarraitua
EBALUAZIOA	Behar denean, ikastetxeen kanpoko ebaluazioak lege-esparru berrira egokitzea, eta datu-base berri bat sortzea, non jasoko baitira kanpoko ebaluazioen emaitza historikoak, luzerako ikuspuntuarekin.	Ikastetxeen hobekuntzarako planen jarraipena (SB071202)	Proiektua: kanpoko ebaluazio berriak	Kanpoko ebaluazio berriak inplementaturik	Ebaluazio Atala	2014-15 Jarraitua
			Proiektua: kanpoko ebaluazioen datu-basea	Kanpoko ebaluazioei buruzko datu-basea		2014-2015 Jarraitua
	Ikastetxeak hobetzeko planen jarraipena berrikustea, emaitzetara bideratutako ikuspuntuarekin, eta, horretarako, irakasle taldeek esku hartuko dutela bermatzea, eta jarduketari adibide-izaera ematea.			Hobekuntza planen jarraipen prozesua birdefinitua		2013-2014 Jarraitua
				Ikastetxeen zer ehunekotan egin den, 4 urteko epean, hobekuntza planen jarraipena horretarako ezarritako urteko laginarekin bat (ikastetxeen (%90)		2014-2015 Jarraitua
	Irakasleak haien lehenbiziko ikasturtean ebaluatzea, gaitasun profesional nahikorik ez badute hori antzemateko eta esku hartzeko.	Irakaslanaren ebaluazioa: lehen urteko lanbide-jardunaren ebaluazioa (SB071207)		Prozesua diseinatua	Ikuskatzailea	2014-2015
	Zuzendaritza lanaren ebaluazioa birdefinitzea eta erraztea, ikastetxeetako errealitateei egokituz.	Zuzendaritza lanaren ebaluazioa (SB071208)		Lehenbiziko urtea duten irakasleen zer ehuneko ebaluatu den prozesuarekin bat (%90)		2015-2016 Jarraia
				Prozesua birdefinitua	Ikuskatzailea	2013-2014
				Zuzendarien zer ehuneko ebaluatu den prozesu berriarekin bat (%100)		2014-2015 Jarraitua
IKASTETXEEI LAGUNTZA ETA SOSTENGUA EMATEA	Hezkuntzako Ikuskapen Zerbitzuaren urteko jarduketa planean jarduera ireki bat sartzea, aholkularitzarako, orientaziorako eta laguntzarako, ikastetxeetako ekimenei erantzuna emanen diena, ikuskatzaileari proposatutako proiektuetan, planetan eta gai garrantzitsuetan.	Ikastetxeei aholku ematea (SB071401/02/03)		Urteko Ikuskapen Jarduketa Planean sartzea jarduketa	Zerbitzuko zuzendaria	2013-2014 Jarraitua
		Zerbitzua emateko beste prozesu batzuk (SB07YYZZ)		Egindako txosten normalizatuen ehunekoa	Ikuskatzailea	2014-2015 Jarraitua
LIDERGOA, HEZKUNTZAKO BERRIKUNTZAN	Ikastetxeetako programa eleaniztunen (ingelesez ikasteko programak, atal elebidunak...) aholkularitzan eta gainbegiratzean parte hartzea, zerbitzu eskudunekin elkarlanean	Ikastetxeei antolamenduaren eta curriculumaren gaineko aholkuak ematea (SB071402)	Programa eleaniztunetan ikuskapen arloko esku-hartzerako protokoloa	Ikuskatze jarduketa epean zehaztua	Ikuskatzailea	2013-2014
		Programen ebaluazioa (SB071209)		Jarduketa Haur eta Lehen hezkuntzan abiarazia		2014-2015
				Jarduketa Bigarren hezkuntzan abiarazia		2015-2016
EGITURA ETA ANTOLAKETA	Ikuskatze eremuen funtzionamendua bultzatzeko protokoloa ezartzea.		Ikuskatze eremuen funtzionamenduaren protokoloa	Eremuen funtzionamenduaren protokoloa egina	Zerbitzuko zuzendaria /	2013-2014
				Ikuskatze eremuen funtzionamendua, protokolo berriaren araberakoa	Eremuko koordinatzailea	2014/2015 Jarraitua
KALITATEA ETA INFORMAZIOAREN ETA KOMUNIKAZIOAREN TEKNOLOGIAK	Ikastetxeen kanpoko ebaluazio probak digitalizatzea		Kanpoko ebaluazio probak digitalizatzeko proiektua	Kanpoko ebaluazio proba digital ezarriak	Ebaluazio Atala	2014-2015 Jarraitua
	ECO eta Workflow aplikazio informatikoetan, informazioaren tratamendua harmonizatzea		Azterlan funtzionala	Azterlan funtzionala egina eta doikuntzak ezarriak	Kalitaterako eta Kudeaketarako koordinatzailea	2014-2015 Jarraitua
	Ikuskapeneko profila zehaztea Educan		Ikuskapeneko profila aztertzea Educarako	Ikuskapeneko profil berriaren arabera sartzea Educan	Zuzendaritzaren albokoa	2013-2014 Jarraitua
	ECO plataforma digitala garatzea, ikuskapen txostenak elektronikoki artxibatzeko		Azterlan funtzionala	Ikuskapen txostenak ECOren bidez kudeatuak	Kalitaterako eta Kudeaketarako koordinatzailea	2014-2015 Jarraitua
EZAGUTZAREN KUDEAKETA	Informazio iturri bakarra eta lehentasunezkoa izatea, eta, horretarako, ECO, I:/ eta, ahal dela, Educa batzea.		Azterlan funtzionala	Azterlan funtzionala egina eta doikuntzak ezarriak	Kalitaterako eta Kudeaketarako koordinatzailea	2014-2015 Jarraitua
IKASKETAK	Urte anitzeko prestakuntza proiektu bat ezartzea, gaitasun profesionalei eta gai garrantzitsuei erantzuna emanen diena, hezkuntzako ikuspuntutik, eta horretarako tokiak gordetzea	Prestakuntza instituzionala (PR0605)		Ikuskapeneko gaitasun profesionalen moldea eguneratzea	Zuzendaritzaren albokoa	2014-2015
				Prestakuntza instituzionaleko urte anitzeko proiektua diseinatua		2014-2015 Jarraitua
				Prestakuntza instituzionaleko proiektua ezarria		2014-2015 Jarraitua
ERAKUNDE HARREMANAK, ELKARLANAK ETA ALIANTZAK	Zerbitzuaren ardurapekoak diren gaiei buruz urtero bilerak izatea zuzendari elkarteekin			Bilera bat egitea urtean behin zuzendarien elkarteekin, zerbitzuaren intereseko gaien gainean.	Zerbitzuko zuzendaria	2014-2015 Jarraitua

IV. ERANSKINA. Ekintza Estrategikoko Plana

ARLO KRITIKOA	HE: HELMUGA ESTRATEGIKOA	EKINTZAK	PROZESUAK/PROIEKTUAK	ADIERAZLEA	JABEA

V. ERANSKINA. Jarraipena eta ebaluazioa

HELMUGA ESTRATEGIKOA (HE) (1)	AURREIKUSITAKO EKINTZAK	JABEA	EPEA	EKINTZEN EGOERA HG/BG/AE/AG (2)	BALORAZIO OROKORRA (3)	HARTUTAKO ERABAKIAK (4)
OHARRAK: (1) Plan estrategikoan aurreikusitako epeen arabera esku hartu beharreko helmuga estrategikoak aukeratuko dira. (2) Aurreikusitako jarduerak zein egoeratan dauden azalduko da, honela: HG (hasi gabe dagoen ekintza), BG (burutu gabe dagoen ekintza), AE (amaitutako ekintza), AG (epean amaitu gabe dagoen ekintza, amaitzeko erabaki bereziren bat behar du). (3) Azalduko da helmuga estrategikoa zer neurritan lortu den plan estrategikoan aurreikusitako epeetan. Betetze mailaren erreferentzia gisa plan horretan ezarritako adierazlea erabiliko da. (4) Bakar-bakarrik zailtasunik izan bada eta helmugak epean bete ez badira.

Jar zaitez gurekin harremanetan | Erabilerraztasuna | Lege abisua | Webaren mapa