Koronabirus kasu batekin kontaktu estua izan zarelako ari zara jarraibide hauek jasotzen. Hau da, birusa zuen pertsona batengandik 2 metro baino gutxiagora egon zara, 15 minututik gora, prebentzio-neurririk gabe.

Edo Covid-19a duen pertsona batengandik hurbil egon zara ibilbide luzeko garraiobide batean (hegazkinean, trenean, autobusean, autoan, itsasontzian).

Covidaren kontrako txertoaren dosi bat jasotzeko zain bazaude (lehenbiziko txertoa edo dosi indargarri bat), 7 egunez itxoitea komeni da.

• ERABAT TXERTATUTA BAZAUDE:

Agindutako dosiak jaso eta immunizatuta egoteko behar den gutxieneko denbora igaro bada kontsideratzen da pertsona bat erabat txertatua dagoela (ikus koadroa).

Jarraitu beharreko gomendioak:

- Ez duzu itxialdirik egin behar.

- Ez egon pertsona zaurgarriekin eta txertorik jaso ez dutenekin.

- Jendearekiko tratuan maskara erabili.

- Ez joan ekitaldi jendetsuetara.

- Covidaren sintomarik agertzen bada, jarri harremanetan zure osasun etxearekin, Osasun Kontseiluarekin (948290290) edo egin antigeno test bat.

- Sintomarik gabe jarraituz gero, ez da beharrezkoa izanen proba diagnostiko bat egitea (PCR bat / Antigeno testa).

Dena dela, Covid-19an positibo den pertsona baten kontaktu estua izan zarenez, gerta liteke kutsatzea eta gaixotasuna ez transmititzeko prebentzio-neurriak zorroztu behar dira pertsona kutsatuarekin egon eta ondoko 10 egunetan.

• TXERTORIK HARTU EZ BADUZU:

  7 eguneko itxialdia egin behar duzu etxean, balitekeelako gaixotasuna inkubatzen aritzea. Itxialdia amaitu eta hurrengo 3 egunetan, erne jarraitu beharko duzu jakiteko ea sintomaren bat agertzen zaizun, eta, hori gertatuz gero, etxean gelditu beharko duzu, eta ezarritako moduan jakinarazi.

  Neurri hauek bete behar dituzu:

• Gelditu etxean, ahal dela gela bakar eta ongi aireztatu batean.

• Gelatik atera behar baduzu edo norbaitek sartu behar badu, 2 metroko distantzia mantendu, maskara erabili eta eskuak garbitu.

• Ez hartu bisitarik.

• Garbitu eskuak maiz urarekin eta xaboiarekin edo gel hidroalkoholikoarekin.

• Ez hartu sendagai antitermikorik (Parazetamola, Ibuprofenoa).

• Egunean bitan, kontrolatu eta apuntatu temperatura.

• Ahal bada, eutsi eguneroko errutinei eta entretenitzen zaituzten jarduerei.

• Erne egon sintomarik agertzen ote den.

• Covid-19aren sintomarik agertzen bada, jarri harremanetan zure osasun etxearekin, osasun-aholkuarekin (948290290) edo egin antigeno test bat.

• Sintomarik gabe jarraituz gero, ez da beharrezkoa izanen proba diagnostikoa egitea (PCRa / antigeno testa).

• Zalantzarik izanez gero, edo laneko baja behar izanez gero, deitu 848 42 00 20 telefonora edo bidali mezu bat helbide honetara: gestiondecontacto@navarra.es. Bertan, honako hauek zehaztu behar dira

•  Identifikazio-datuak: izena, abizenak eta NANa.

• Zure helbide elektronikoa, baja hara bidaliko baitizute.

• Lan egiten duzun enpresaren izena

• Laneko bajaren hasiera-data

• Laneko bajaren amaiera-data.

• Zurekin harremanetan egon eta positibo eman duenaren izena, abizenak eta NANa.