Familia ugariaren egiaztagiria
Familia ugariaren izaera aitortuta izateari esker, laguntza ekonomikoak eta Legeak ezarritako bestelako laguntza-neurriak eska daitezke.
Epea
Urte osoan zabalik.
Aurkezpena
Norentzat
- Familia ugaritzat hartzen da aurreko ahaide batek edo bik eta 21 urtetik beherako edo, ikasleak badira, 25 urtera arteko hiru seme-alabak edo gehiagok - seme-alabak bienak izan edo ez - osatutako familia.
- Honakoek osatutako familiak ere familia ugaritzat hartzen dira:
- Aurreko ahaide batek edo bik eta bi seme-alabak - seme-alabak bienak izan edo ez - osatutakoa, horietako batek, gutxienez, desgaitasunen bat baldin badauka edo lanerako gai ez bada.
- Aurreko bi ahaide, biek desgaitasuna (% 33) baldin badaukate edo, gutxienez, haietako batek % 65eko desgaitasuna edo handiagoa baldin badauka, edo lanerako gai ez badira (ezintasun absolutuaren baliokidea), bi seme-alabarekin, seme-alabok bienak izan edo ez.
- Banandutako edo dibortziatutako aita edo ama, hiru seme-alaba edo gehiagorekin - seme-alabak bienak izan edo ez - familia-unitate ezberdinetan egon arren, ekonomikoki bere mende baldin badaude.
- Bi edo hiru anai-arreba umezurtz (ez aitarik, ez amarik), babespean, harreran edo zaintzapean daudenak eta tutorearekin, harreragilearekin edo zaintzailearekin bizi direnak, baina ez haien kontura.
- 18 urtetik gorako hiru anai-arreba umezurtz (ez aitarik, ez amarik) edo gehiago edo bi, haietakoren batek desgaitasuna baldin badauka, elkarrekin bizi direnak eta ekonomikoki elkarrenganako mendekotasuna daukatenak.
- Aurreko ahaide alarguna, 21 urtetik beherako bi seme-alaba dituena, edo 25 urtera artekoak, ikasleak baldin badira.
Argibide gehiago
Bi kategoria daude: berezia eta orokorra:
- Berezia:Bost seme-alaba edo gehiagokoak; eta, lau seme-alabakoak, horietatik, gutxienez hiru, erditze, adopzio edo harrera iraunkor edo aurre-adopzio anizkuna izan badira. Lau seme-alabadun familiak kategoria honetan sailkatuko dira, haien urteko diru-sarrerek ez dituztenean Familia Ugarien Babeserako 40/2003 Legearen 4. artikuluaren I. Tituluan ezarritako mugak gainditzen (ikus "Araudia").
- Orokorra: gainerako familia-unitateak.
Dokumentazioa eta tramitazioa
Dokumentazioa
ESKAERA EGITEKO
- Inprimakia, gazteleraz edo euskaraz
- Gurasoen eta seme-alaben NAN agiriaren fotokopia - seme-alaben kasuan, NAN propiorik baldin badaukate (14 urtetik aurrera da derrigorrezkoa)
- Familia-liburuaren fotokopia
- Familiako kide guztien gaur egungo errolda-ziurtagiria
BERRITZEKO
- Inprimakia, gazteleraz edo euskaraz
Egoera berezietarako (alarguntasuna, banantzea, 21 urtetik gorako seme-alabak, desgaitasuna...), begiratu eskabidearen jarraibideetan gainerako eskakizunak zeintzuk diren.
Nola tramitatu?
Internet bidez
Bulegoetan
Inprimakia beteta eta eskatutako dokumentazioa honako bulegoan aurkeztu behar dira:
Pertsonen Autonomiarako eta Garapenerako Nafarroako Agentzia
Familiako eta adin txikikoak Zuzendariordetza
Familien alorra
Abejeras kalea, 5-7-9
31007 Iruña
Hurrengo urratsak
Eskabidea aurkezterakoan entregatzen dira txartelak.
Araudia
- 20/2003 Foru Legea, martxoaren 25ekoa, Familia Ugariei buruzkoa (NAO, 41. alea, 2003ko apirilaren 2koa).
- 6/2005 Foru Legea, maiatzaren 18koa, Familia Ugariei buruzko 20/2003 Foru Legea partzialki aldatzen duena (NAO, 63. alea, 2005eko maiatzaren 27koa).
- 1621/2005 Errege Dekretua, abenduaren 30ekoa, Familia Ugarien Babeserako azaroaren 18ko 40/2003 Legearen erregelamendua onesten duena (EAO, 15. alea, 2006ko urtarrilaren 18koa)
Harremana
Pertsonen Autonomiarako eta Garapenerako Nafarroako Agentzia
Familiako eta adin txikikoak Zuzendariordetza
Familien alorra
Abejeras kalea, 5-7-9
31007 Iruña
Erakunde arduraduna - deialdia egin duen erakundea
Pertsonen Autonomiarako eta Garapenerako Nafarroako Agentzia
Oharra: web orri honen edukiak informaziorako baizik ez du balio. Prozeduraren baldintzak dagokion araudian argitaratutakoak dira.
Nire Herritar karpetan