Beharrak, arazoak eta konpondu beharreko erronkak identifikatzen lagunduko diguzu?

AA Erronkak Nafarroako Gobernuko Lehendakaritza eta Berdintasun Departamentuak bultzatutako proiektua da, VidAAs zentroaren, NAIR Centerren (Nafarroako Adimen Artifizialaren Ikerketa Zentroa) eta ATANAren (Nafarroako Teknologia eta Aholkularitza Klusterra) bitartez. Eta Adimen Artifizialean (AA) oinarritutako soluzio berritzaileak eta praktikoak diseinatzea du helburu, pertsonen benetako erronkei eta beharrei erantzuteko.

Proiektuaren helburuak

Arreta-zentroekin lotutako pertsonen eta langileen parte-hartze aktiboa sustatzea, haien beharrak/erronkak identifikatzeko.
AAn oinarritutako soluzio inklusiboak eta praktikoak diseinatzea.
Gizartea eta enpresak inplikatzea, sormena eta ikuspegi berritzaileak emateko.
AAko adituen, zentro espezializatuen, enpresa teknologikoen eta pertsonen artean lotura eraginkorrak ezartzea.
Komunitate horien bizi-kalitatean eta irisgarritasunean eragin neurgarria sortzea.

Balioak

Pertsona ardatz duen diseinua, pertsonen benetako beharrekin bat datozen soluzioak sortzeko aukera emateko.
Metodologia inklusiboak: pertsonen, erakundeen eta, oro har, gizartearen parte-hartze aktiboa.
Eragin neurgarria: programaren iraunkortasuna eta arrakasta bermatzeko tresnak.
Berrikuntzarekiko lotura: AAko adituak eta sektore teknologikoko enpresa liderrak integratzea.

Parte-hartzaileen profilak

Koordinazio-taldeak zehaztu ditu AA Erronkak proiektuaren faseetan parte hartu duten pertsonen profilak, fase bakoitzean ahalik eta eraginkortasun handiena bermatzeko.

Betiere, gerora onura aterako duten pertsonek proiektuaren soluzioak definitzen aktiboki parte hartzen dutela ziurtatuz.

Discovery Sprint: honako profil hauei erantzuten zieten 35 pertsonak parte hartzea zehaztu zen:

Desgaitasuna duten pertsonak.
Zahartze-prozesuan dauden pertsonak.
Desgaitasuna duten pertsonen eta zahartze-prozesuan dauden pertsonen arretan zuzenean lan egiten duten pertsonak.

Parte hartu duten erakundeak: ADACEN, ANFAS, Nafarroako Autismoaren Elkartea, Iruñeko Udalaren Tutoretzapeko apartamentuak, ASPACE, Eunate Elkartea, COCEMFE, Gurutze Gorria, Nafarroako Gobernuko Unibertsitate, Berrikuntza eta Eraldaketa Digitaleko Departamentua, DISNAVARRA, Elkarkide, Iddeas Fundazioa, Nafarroako Saharako Lagunen Elkartea, Nafarroako Gobernuaren Arreta Goiztiarreko Zerbitzua, Solera Asistencial eta Tasubinsa.

Hackathon: 45 pertsona, parte-hartze irekiagoko batekin, eta definizioan profil berriak sartu ziren, eratutako lantaldeak osatzeko:

Desgaitasuna duten pertsonak.
Zahartze-prozesuan dauden pertsonak.
Desgaitasuna duten pertsonen eta zahartze-prozesuan dauden pertsonen arretan zuzenean lan egiten duten pertsonak. Teknologia-graduetako ikasleak.
Teknologoak.

Matchathon: fase honetan, profil teknologikoa eta adimen artifizialean esperientzia duten hainbat enpresak proposamenak egiten dituzte proiektu-mihise baten bidez, aurreko lanaren gainean.

Proiektuaren faseak

1. Discovery Sprint
Pertsonen irisgarritasunari eragiten dioten beharrak, arazoak eta konpondu beharreko erronkak identifikatzea komunikazioaren eta espazioen erabileraren esparruetan. Fase honetan bi saio egingo ditugu:

1. saioa: Komunikazioaren eta espazioen erabileraren esparruetako erronkak identifikatzea, adimen artifizialaren bidez konpon daitezkeen pertsonen irisgarritasuna sustatzeko.
2. saioa: Saioan proposatutako erronkak berrikustea eta baloratzea.