Foruzaingoaren tiro-taldeak irabazi du Ertzaintzaren Akademiak antolatutako lehen tiro-txapelketan, banakako nahiz taldekako modalitateetan.

Txapelketa uztailaren 27an egin zen Arkauten (Araban), eta bestelako polizia-taldeek parte hartu zuten, hala nola Ertzaintzak berak, Guardia Zibilak, Espainiako Polizia Nazionala, Gasteizko Polizia Lokala, Armada eta Euskal Herriko Tiro Olinpiar Federakuntza.

Taldekako tituluaz gain, nabarmendu behar da Foruzaingoaren taldeko kapitainak, Trafiko eta Bide Segurtasun Saileko inspektoreordeak, banakako lehen postua ere lortu zuela txapelketan. Guztira, hiru ariketa izan ziren, eta gutxienez, 56 tiro egin ziren.

Foruzaingoaren taldea 1990. urtetik garatzen du jarduera. Hasiera batean Foru Erkidegoaren barruan antolatutako txapelketetan parte hartu zuen –Foruzaingoaren beraren txapelketan eta beste polizia batzuek antolatutako txapelketetan-, eta gero, maila handiagoko txapelketetan parte hartzen hasi zien. Horrela, 1992. urtean Tiro Ibilbideen Europako I. Txapelketan parte hartu zuen, Katalunian.

Urte horretatik aurrera, bere kirol-jarduera nagusia tiro ibilbideen modalitatean espezializatuta dago, IPSC delakoan. Espezialitate hori Espainiako Tiro Olinpiar Federakuntzak aintzatetsita du, eta urteko eta maila nazionaleko egutegia du. Gehienbat, klubeko kideek egiten dute duela zenbait urte.

Gogoratu behar da Foruzaingoak hainbat sari irabazi dituela azken urteetan. Besteak beste, taldekako lehen postua Espainiako Tiro Ibilbideen Txapelketan, produkzioaren modalitatean, Espainiako Tiro Olinpiar Federakuntza, Lleidan, 2007. urtean egindakoa, edo banakako lehen postua tiro polizialeko modalitatean, Europako polizia eta suhiltzaileen jokoetan, EUROPOLYB 2008, Pontevedran egindakoa.