navarra.es
Castellano | Euskara | Français | English
Ezagutzera eman
57/1997 Foru Agindua, maiatzaren 21ekoa, Lehendakaritza eta Barne kontseilariak emana, ekintza terroristek eragindako Kalteen Ordainak eta Elkarteak izeneko datu pertsonalen fitxategi informatizatuak aldatu eta Fundazioak izeneko fitxategia ...
57/1997 Foru Agindua, maiatzaren 21ekoa, Lehendakaritza eta Barne kontseilariak emana, ekintza terroristek eragindako Kalteen Ordainak eta Elkarteak izeneko datu pertsonalen fitxategi informatizatuak aldatu eta Fundazioak izeneko fitxategia sortzen duena
(1997ko 67. NAOn argitaratutako testua, ekainaren 4an)
Atarikoa
Uztailaren 26ko 143/1994 Foru Dekretuaren bidez Nafarroako Foru Komunitateko Administrazioko eta haren erakunde autonomoetako datu pertsonalen fitxategi automatizatuak arautu ziren.
Ikusirik Barne Zuzendaritza Nagusiaren txostena, zeinetan proposatzen baita ekintza terroristek eragindako Kalteen Ordainak eta Elkarteak izeneko datu pertsonalen bi fitxategi aldatzea eta Fundazioak izeneko beste fitxategi informatizatu bat sortzea.
Fitxategi informatizatuak aldatu, ezeztatu eta sortzeari buruz uztailaren 26ko 143/1994 Foru Dekretuaren 2. artikuluan xedatutakoa betez, agindu dut:
Lehena
Elkarteak izeneko fitxategian ondoko aldaketak egiteko baimena ematea:
f) Fitxategiaren ardura duen Unitatea. Lehendakaritza eta Barne Departamentuko Barne Zuzendaritza Nagusiko Barneko Laguntza Juridiko eta Administratiboaren Zerbitzua.
g) Fitxategian sartu, zuzendu eta ezeztatzeko eskubideak zein Unitatetan erabili. Lehendakaritza eta Barne Departamentuko Barne Zuzendaritza Nagusiko Barneko Laguntza Juridiko eta Administratiboaren Zerbitzuan.
Bigarrena
Ekintza terroristek eragindako Kalteen Ordainak izeneko fitxategian honako aldaketa egiteko baimena ematea:
f) Fitxategiaren ardura duen Unitatea. Lehendakaritza eta Barne Departamentuko Barne Zuzendaritza Nagusiko Barneko Laguntza Juridiko eta Administratiboaren Zerbitzua.
g) Fitxategian sartu, zuzendu eta ezeztatzeko eskubideak zein Unitatetan erabili. Lehendakaritza eta Barne Departamentuko Barne Zuzendaritza Nagusiko Barneko Laguntza Juridiko eta Administratiboaren Zerbitzuan.
Hirugarrena
Fundazioak izeneko fitxategia sortzeko baimena ematea. Horren edukia hau da:
Fitxategiaren izena: Fundazioak:
a) Fitxategiaren xedea eta aurreikusitako erabilerak.
Nafarroako Foru Komunitatearen eskumeneko Fundazioen Erregistroaren mantenimendua, zergen ondorioetarako.
b) Ukitzen dituen pertsonak edo taldeak.
Fundazioen sortzaileak eta patronatuak.
c) Datuak biltzeko prozedura.
Datuak eskritura publikoaren bidez hartuz.
d) Fitxategiaren oinarrizko egitura eta bertan sartutako datu pertsonalen motak.
-Identifikazio datuak.
N.A.N./I.F.Z.
Izen-deiturak.
Helbidea.
Telefono zenbakia.
-Inguruabar sozialei buruzko datuak.
Fundazioen sortzaileei eta patronatuei dagozkienak.
e) Datu pertsonalak lagatzea.
Ez da datu pertsonalik lagako.
f) Fitxategiaren ardura duen Unitate Organikoa. Lehendakaritza eta Barne Departamentuko Barne Zuzendaritza Nagusiko Afera Orokorretarako Atala.
g) Fitxategian sartu, zuzendu eta ezeztatzeko eskubideak zein Unitatetan erabili. Lehendakaritza eta Barne Departamentuko Barne Zuzendaritza Nagusiko Afera Orokorretarako Atalean.
Laugarrena
Foru Agindu hau Barne Zuzendaritza Nagusiari eta Barneko Laguntza Juridiko eta Administratiboaren Zerbitzuari jakinaraztea eta Nafarroako Aldizkari Ofizialean argitara dadin xedatzea.
