Sartu berri diren eta kostu handikoak diren medikamentuen zentzuzko erabilerarako farmakoekonomia eta kostu-eraginkortasun azterketak ia nahitaezkoak direnean, kontsumo handia duten medikamentu “apalagoen" multzoak daude, eta beren eragina osasun-gastuan oso garrantzitsua bada ere, beren eraginkortasuna zalantzan jarri da sartu zirenetik.
Horixe da, hain zuzen ere, atal honetan kontuan hartuko dugun medikamentu-taldea, hasieran “hodi-zabaltzaile periferikoak” deitutakoak eta egun “hodi-zabaltzaile zerebral eta periferikoak” izenarekin ezagutzen direnak jatorri zerebro-baskularreko sintoma eta gaixotasunetan eta dementzian duten erabilera zabalarengatik.