(Edukira Joan)

Logotipo navarra.es

Castellano | Euskara | Français | English

Bilatzaile erabili!

Edukirako tresnak

Ezagutzera eman

  • Meneame
  • Delicious
  • Google
  • Facebook

contacto de esta sección

Herritarren Arreta
Telefonoa: 948 012012
012*
Ordutegia:
  astelehenetik ostiralera, 8:00ak eta 19:00ak artean.
Helbide elektronikoa:
navarra@navarra.es
* Deiaren balioa: 0,34 euro, iraupena edozein dela ere.

Ikusi egun honetako albiste gehiago

Torre Monreal ikastetxearen azpian nekropolia dagoela baieztatu da osteguna, 2019.eko martxoak 14


Hezkuntza Departamentuak zentroari jakinarazi dio aurkikuntza horrek ez diola eraginen handitze-lanetarako aurreikusi zen epeari


Lanak burutzen ari diren eremua. ( irudia handitu )

92 hilobi berri azaldu dira CPEE Torre Monreal ikastetxean Hezkuntza Departamentua egiten ari den handitze-lanen eremuan. Desobiratzea datozen 4 astetan eginen den arren, obrentzako aurreikusitako epeari ez dio eraginen. Izan ere, Hezkuntza hasieratik ari da Kultura, Kirola eta Gazteria Departamentuarekin elkarlanean eta, ondorioz, arkeologia-adituen zereginek ez dute handitze-obren entrega-data atzeratuko.

Horrelako aurkikuntzekin ezusteak izaten dira maiz, Tuterako Torre Monreal ikastetxe inguruan azaldu den islamiar nekropoliaren kasuan bezala. Iragan martxoaren 4an gorpuzkiak zituzten 9 hobi azaldu ziren handitze obraren lehenengo fasean. Hezkuntza Azpiegituren Zerbitzua ari da lanez arduratzen eta berehala jarri zen Kultura Zuzendaritzako Ondare Historiko zerbitzuarekin harremanetan. Azaldutako lehenengo bederatzi hobiak ikusita, nekropoli baten zatia izan zitekeela adierazi zuten adituek.

Ordutik, elkarrekin koordinatuz jarraitu dute departamentu biek lanean eta ondoko azaleran zulatze-lanak hasi bezain pronto begi bistan gelditu ziren beste 92 hobi berri. Aurkikuntza horrek baieztatu egin du, beraz, nekropoliaren handitasunaz eta okupazioren dentsitateaz adituek zuten susmoa. Hobiak antolatzeko moduak, euren tamainak eta kopuruak berak adierazten dute mende luzetan bertan bizitako biztanleria handiari dagokiola. Esan bezala, indusketa eta hobi-ateratzea eginen da datozen asteotan, Oscar Sola Torres arkeologoaren zuzendaritzapean.

Azaldu diren zeramika piezek eta lurperatzeko moduek, bestalde, La Moreria herriaren nekropolia dela baieztatzen dute, behin-behinean. Auzogune honetan, mendebaldean eta hiritik kanpo, Tuterako konkistaren ondoko urtean musulmanak jarri ziren bizitzen (1120 urtean) eta beraien bizilekua izan zen 1492an kanporatuak izan ziren arte. Duela egun gutxira arte, Tuterako konkistaren aurreko hilerri-islamiarra baino ez zen ezagutzen, Herrerias kalean dagoena, Calahorrako atearen ondoan, hain zuzen ere. Torre Monreal eskolako lanetan egindako hondeaketari esker herri honen hobiratze ohituren inguruko informazio gehiago ezagutu ahal izan dute adituek, konkista ondoren, bertan kokatu baitzen komunitate islamiarra kasik zortzi mendez.


Prentsa oharra:

Albiste hau osorik izan nahi baduzu PDF artxibo batean sakatu hemen

Nafarroako Gobernua

Jar zaitez gurekin harremanetan | Erabilerraztasuna | Lege abisua | Webaren mapa