Gaur aurkeztu dute Nafarroako Gobernuak joan den irailaren 30ean 1939. eta 1945. urteen artean Gurseko kontzentrazio esparruan, Oloroeko Andre Mariako herritik hurbil, barneratuta egon ziren 500 nafar baino gehiagorik egin zien omenaldiaren bideoa.

Ekitaldian 400 senide inguruk parte hartu zuten Uxue Barkos Nafarroako Gobernuko Lehendakariarekin, Ainhoa Aznarez Parlamentuko lehendakariarekin eta Pablo Azcona Nafarroako Udalerri eta Kontzejuen Federazioko lehendakariarekin batera. Bestalde, zenbait agintarik eta Frantziako herrira Gobernuaren eta memorialisten elkarteen deialdiari erantzuteko etorri diren pertsona ugarik ere parte hartu dute.

Gurseko esparrua 1939. urtean eraiki zen errefuxiatuen esparru gisa, frankismoaren errepresiotik ihes egiten zuten lau pertsona-talde hartzeko. Talde horietatik jende gehien zuenetako bat euskaldunena eta nafarrena zen, Argelesetik Gursera eraman zituztenak. Bigarrena, zenbait herrialdetatik etorritako Nazioarteko Brigadetako kideez osatuta zegoen, egoera politikoa eta ekonomikoa zela-eta beraien jatorrizko tokietara ezin zirenak itzuli. Hirugarrena, hegazkinlariena gisa ezaguna zena, armada errepublikanoko teknikariz osatuta zegoen. Azkenik, laugarrena, Estatuko zenbait lekutatik etorritako pertsonez osatuta zegoen. Guztira, 18.000 pertsona baino gehiago egon ziren Gursen.

Ikerketa-lanei esker, gutxienez 435 pertsonaren jatorri nafarra berretsi ahal izan da. Horiei guztiei eta beraien senideei egin zitzaien omenaldia joan den asteburuan eta gaur aurkeztu da.