Tailerren edukia

Jarraian, programatutako tailerren helburuak eta edukia zehazten dira.

Tailer honekin ongizateari eta osasunari lagundu nahi zaie, adinekoen artean ondo lo ez egiteagatik sarritan sortzen diren kezkei erantzuteko, informazioa emateko asmoz; hala, loari eta haren aldaketei buruzko ezagutza handiagoak izango dituzte, eta gauean lo indarberritzailea lortzen lagunduko duten estrategiak eskainiko zaizkie.

Tailer honen helburua gure gorputzak nola funtzionatzen duen ezagutaraztea da –garuna, bereziki– eta zein diren zahartzearen ondorioak. Gainera, tresna gehiago adineko pertsonen esku jarri nahi ditu zahartze naturalaren eta gaixotasunaren arteko aldea hautemateko, bizitza aktibo baten garrantzia ulertzen laguntzeko asmoz, bizitzako etapa honetan ongizate handiagoa izate aldera.

Mina duten adinekoen ongizatearen eta bizi-kalitatearen hobekuntza sustatzeko tailerra, eta minik ez duten adinekoena baina hura prebenitzeko tresnak izan nahi dituztenak. Sinesmenei aurre egiten lagundu nahi die, adibidez, mina adinaren gaitza dela; hala, adinekoen osasun fisikoa eta emozionala hobetzen lagunduko da. Jarduera praktikoak ere egingo dira.

Zahartze osasungarri bat lortzeko programa da, eta adinekoei autonomia gordetzen eta jarduera fisikoa berreskuratzen lagunduko die.

Adinekoek beraien gaitasun kognitiboak era erraz eta entretenigarrian lantzeko pentsatutako plataforma birtual bat da, zahartze egoki eta osasungarri baten giltzarri modura. www.activalamente.com wbgunean sartuz gero, adinekoek 1.200 ariketa baino gehiagoko ibilbide pertsonalizatu bat jarraitu dezakete, eta garunaren arlo kognitibo nagusiak lantzen dituzte: hizkuntza, memoria, funtzio exekutiboak, arreta eta kontzentrazioa, prozesamendu bisuala eta entzumenezkoa.

Adinekoei beraien autonomia sustatzeko eta ongizatea hobetzeko beharrezko tresnak emateko xedearekin jarraituz, berrikuntza modura aurten tailer bat antolatu da eta, bertan, elikadura osasungarri eta orekatua izateko jarraibide eta ohiturak eskaintzen dira, hobeto sentitzen lagunduko dutenak.

Tailer honetan bizitzako etapa honek eskaintzen dituen aukerak ikusarazi nahi dira, galeren garai baten modura hartu gabe. Hainbat gai jorratzen dira: motibazioak, bizitza propioaren kontrola, denboraren plangintza, erabakiak hartzea, pentsamendu positiboa, harremanak eta nork bere buruari baimena ematea.

Duintasun eta autonomiaren balioak sustatzen saiatzea da helburua zahartzearen etapari aurre egiteko, hazkundeari eta garapen pertsonalari lagunduz. Tailerreko saioetan lantzen dira: erresilientzia eta egokitzapen-gaistasunak; indargune psikologikoak (jakituria, jakin-mina, adorea, jarraikortasuna eta umorea esaterako); gatazken prebentzioa eta kudeaketa; edo bakardadean ondo sentitzea.

Tailer honetan ordenagailu eta saguaren funtzio oinarrizkoenak erakusten dira, testuak tratatzeko programak ezagutu eta haiekin praktikatzen da, eta adinekoak Internet eta posta elektronikoaren munduan murgiltzen dira.

Tailerraren helburua adinekoei dokumentu digital bat sortzen eta editatzen erakustea da, taldeko proiektu bat egiteko asmoz.Proiektuari buruzko informazioa Interneten bilatuko dute, eta irudiak deskargatzen eta dokumentu batean txertatzen ikasiko dute, bai eta mezu elektronikoak artxiboekin bidaltzen ere, besteak beste.

Tarte honetan, irudiei ukituak ematen ikasiko dute Photoshop programa erabiliz. Aurkezpen digital bat nola sortzen eta editatzen den jakingo dute (Powerpoint), eta bertan aurrez ukituak izan diren irudiak jasoko dira taldekako proiektu bat egiteko asmoz.

Tailer honetan, adinekoek plataforma sozial garrantzitsuenak ezagutuko dituzte, haiekin praktikatuko dute eta erabilera arduratsua egiten ikasiko dute. Ezagunekin harremanetan jarri ahalko dira, esperientziak eta iritziak partekatuko dituzte, eta azken orduko albisteak zabalduko eta eskuratuko. Tailer honekin sare sozialak zertarako balio duten ulertzen lagunduko die eta, beraz, beraien bizitzan nola aplikatu hurbileneko ingurunearekin komunikatzeko aukerak zabaltzeko eta hobetzeko.

Adinekoek beraien ezagutzak zabalduko dituzte informazioa Interneten bilatzeko orduan, bideoak eta argazkiak ikusteko; partekatzeko plataformak ezagutuko dituzte, sarean izapideak segurtasunez egiten ikasiko dute eta gailu mugikor pertsonal batzuen aplikazioak erabiltzen, tabletak eta smartphone-ak, esaterako.

Gaiagatik bereziki hautatutako liburu baten irakurketaren gaineko tertulietan parte hartzea. Tailer hau profesionalek emango dute eta profesionalen aldetik bere dinamizazioaren zailtasuna baloratzen den zentroetan egingo da.

Gaiagatik bereziki hautatutako liburu baten irakurketaren gaineko tertulietan parte hartzea, boluntarioek dinamizatutakoak. Prestakuntza-jarduerak aurreikusita daude.

Boluntariotzako proiektu bat lurraldeko erakunde eta eragileekin garatzeko jarduera zonalde bakoitzeko berariazko beharren arabera.

"la Caixa" Gizarte Ekintzak sustatutako jarduera Barne Ministerioarekin sinatutako hitzarmen baten esparruan; bertan, adineko boluntarioek Gizarteratzeko Zentroetan dauden pertsonei prestakuntza ematen diete, kolektibo horren gainean dagoen estigma sozialaren aurka lan egiteko eta boluntarioaren asebetetze-maila betetzeko, onuradunen prestakuntza eta gizarteratzeko beharrei gizartean erantzuna eman ahal izateko aukera izatean. Jarduera Adineko Zentroetan egiten da, zenteroak adineko horiek beren jarduera egiten duten komunitateari irekitzean.

Jarduera hauen helburua belaunaldi arteko harremanak sustatzea da adin-talde askotako pertsonak hurbiltzeko, elkarrekiko loturak eta ezagutza aberasteko asmoarekin, IKTak elkarrekintzarako tresna modura erabiliz.

Baliabide informatiko batean berariazko prestakuntza behar duten boluntarioentzako tailerra, boluntariotza-proiektuak egin ahal izateko: taldekako lana, gatazkak konpontzea, taldeen dinamizazioa…

Gela irekiak dinamizatzeko jarduera, eta bertan, boluntarioek parte-hartzaileak AktibatuBurua estimulazio kognitiboaren erabileran barneratzen dituzte. Prestakuntzako jarduerak aurreikusten dira.