Birziklatutako plastikozko poltsen ehun bat girlandek estaltzen dute gaurtik aurrera Iruñeko Munduaren parkeko iturria (600 metro luze, guztira); haren helburua herritarrak sentsibilizatzea eta buruko gaitz bat duten pertsonek gizartean parte har dezaten aldarrikatzea da, sarritan seinalatuak izaten diren estigmetatik urrun.

Instalazio artistiko hori "Colores al viento" izeneko proiektu baten barnean dago, eta Nafarroako Gobernuaren Osasun Mentaleko Errehabilitazio Klinikako paziente eta profesionalek egiten dute, Alicia Otaegui sortzaileak koordinatuta.

Azken urtean, pertsona horiek elikagaien milaka bilgarri jaso dituzte, uraza, litxarreria, lekale, kafe edo moldeko ogiaren bilgarriak, adibidez. Poltsa horiekin bolak egin dituzte eta, ondoren, girlandak osatzeko lotu egin dira.

Jarduera honetan, Ana Mª Sanz zentroko Bulego Laguntzailearen Hasierako Lanbide Prestakuntza Bereziko Programako ikasle desgaituek ere parte hartu dute, eta materialaren bilaketan lagundu dute sustapen-bideo bat eginez, "Saguzar efektua" izenekoa.

"Colores al viento" proiektua Osasun Mentaleko Errehabilitazio Klinikak duela bost urtetik egiten duen "Oztopoak apurtuz" programaren barnean sartzen da; haren helburua buruko gaitza duten pertsonek bizitako estigmarekin amaitzea da. Alde horretatik, azken urteotan, bertako paziente eta profesionalek komunitate-proiektuetan parte hartu dute, esaterako: Artisten auzoa (2014 eta 2015 urteetan) edo Nafarroako Komiki Azoka (2015), bai eta Iruñeko Civivox Jus la Rochari lotutako jarduerak dituzten erakusketetan ere.