Nafarroako Berdintasunerako Institutuko zuzendari Mertxe Leranoz eta Emakunde-Emakumearen Euskal Erakundeko zuzendari Izaskun Landaida bildura dira gaur, Gasteizen, eta bertan emakume nahiz gizonezkoen arteko berdintasun-arloko zenbait gai jorratu dituzte; aldi berean, komunikazio eta lankidetzarako bideen bitartez elkarlanerako harreman estu bat urratzeko borondatea agertu dute.

Bileran, bi zuzendariek emakumeen partaidetza soziala ikusarazteko beharra azpimarratu dute elkartegintzako mugimendua sustatuz, bai eta erakundeekin beren solaskidetza sustatzeko beharra ere.

Aztertutako beste gai bat Berdintasunaren aldeko Udalerrien Sare bat bultzatzea izan da. Ekimen hori alor horretan konprometitutako udalerrietarako langune bat sortzeko behar nahiz garrantzitik sortu da; bertan esku hartzeko estrategiak ezarri eta partaideen arteko sinergiak indartuko dira.

Gainera, berdintasun-alorrean eta emakumeen aurkako indarkerian prestakuntza emateko beharrekin bat etorri dira; prestakuntza hori profesionalentzat izango zen; horrez gain, berdintasun-printzipioa zeharkako eran finkatzeari lotutako jarduera-ildoak sustatzearekin bat etorri dira.