Proposamen horien edukia askotarikoa da, nahiz eta ondorengo gaiei lotutakoak nagusitzen diren: zerbitzuen arloko irismenaren zehaztasuna, herritarren eskubideak sendotzea eta osasuneko profesionalentzako bermeak.

Testu berria idatzi da dagoeneko, eta datozen egunotan argitaratuko da Nafarroako Gobernu Irekiaren atarian, hilabetez ekarpen gehiago egiteko aukera izan dadin. Gainera, Osasun Departamentua profesionalekin gehiagotan bilduko da egindako aldaketak azaltzeko eta prozesu horretan beren partaidetza berriz ere sustatzeko.

Jasotako ekarpen guztietatik, 161 osasuneko profesionalek egin dituzte eta 112, erakunde sozial edo herritarrek. Lehenengoetatik, guztiz edo zati bat % 69 onartu dira, eta bigarrenetatik, % 61,5.

Guztira, Osasun Departamentuak 138 proposamen oso eta 34 partzialki sartu ditu sexu eta ugalketako foru-dekretuko etorkizuneko zirriborro berrian. Gainera, beste zortzi kontuan hartuko ditu erregulazio berri horren araudia garatzeko orduan, dekretuari berari ezin baitzitzaizkion aplikatu.

Proposamen gehienak, 87, zerbitzuen arloari buruzkoak dira. Atzetik datoz, urrun samar, terminologia-alderdiei buruzko iradokizunak(27); hezkuntza sisteman osasunerako hezkuntzako prestakuntzari lotutakoak (26); kontzientzia-eragozpen eta konfidentzialtasunaren alderdiei buruzkoak (25) eta haurdunaldiaren borondatezko etendurari buruzkoak (21).