Landa Garapeneko, Ingurumeneko eta Toki Administrazioko Departamentuak Foru Komunitateko gidariei beren aseguru-polizak berrikus ditzaten gomendatzen die eta, hala badagokio, ehiza-espezieak harrapatzeen ondorioz eragindako kalteen estaldura jaso dezatela (basurdea, orkatza eta azeria); izan ere, martxoaren 1etik aurrera, asteartea, Nafarroan trafikoko estatu-mailako araudia indarrean sartuko da; haren arabera, ibilgailua gidatzen duen pertsonari egozten zaio eragindako kalteen erantzukizuna

Arau orokor modura, ezingo zaie kalte-ordaina eskatu ehiza-barrutiei edo Nafarroako Gobernuari berari, gaur egun gertatzen den moduan.

Arau honen salbuespenen artean dago ehiza-faunaren istripuak honako hauen ondorioz eragin izana: taldean egindako ehizaldia, irekitako hesiak edo seinale eskasak egotea istripu-maila handiko zatietan. Gainera, ehizakoak ez diren fauna basatiko espezieak edo mehatxatutako espezieak (azkonarra, putrea…) tartean dauden ezbeharretan erantzukizuna Ingurumen Departamentuarena izaten jarraituko du.

Lege-aldaketa Nafarroan

Aldaketa horren jatorria estatuko Trafiko Legearen jatorrian dago (6/2014 Legearen xedapen gehigarria); haren arabera, bide publikoetan ehiza-espezieak harrapatzeagatik eragindako kalteen erantzukizuna ibilgailuaren gidariari egozten zaio, bertan sartutako animalien balioagatiko erreklamazioa egiteko aukerarik izan gabe.

Ehiza eta Arrantzako Foru Legeak erantzukizuneko bestelako araubide bat ezartzen zuen, eta Ingurumeneko Departamentuak bere gain hartzen zuen, kasu gehienetan, ezbeharrean sortutako kalteen ordainketa. Gidaria erantzule zen soilik trafikoko arauak ez zituela bete egiaztatzen bazen (abiadura desegokia, gida-baimenik gabeko gidaria...).

Estatuko lege berriari egokitzeko asmoz, autonomia erkidego guztietan aplikagarria dena, Nafarroako Gobernuak aldaketa 2016ko Aurrekontuen Foru Legean jaso zuen (29. xedapen gehigarria), nahiz eta indarrean otsailean sartu beharrean (aurrekontuko arau guztiak bezala), martxoaren 1era atzeratu zen ibilgailuetako titularrek beren aseguru-polizen estaldura egokitzeko erraztasunak izan zitzaten, hori egitea beharrezkoa balute.

Arrazoi hori dela eta, egoera hori estalita ez badute, Departamentuak dagozkien aseguru-konpainiekin harremanetan jartzeko gomendioa egin die.