Nafarroako Enpresa eta Berrikuntzarako Europako Zentroa (CEIN) sozietate publikoak Foru Komunitatean 138 enpresa berri sortzen lagundu du 2015ean, eta guztira 216 enplegu berri sortu dituzte. Negozioen % 64 autonomo gisa izan zen, % 26 merkataritza sozietateak eta % 10 sozietate irregular moduan.

Jarduera ekonomiko berri horiek erakundeak ekintzaileei "Enpresa Bizkortzaile"-aren bidez emandako euskarri-lanaren emaitza dira beren negozio-ideiak heltzea, osatzea eta abiaraztea lor dezaten, arriskuak murriztuko dituen eredu errentagarri bat bilatuz. Zerbitzu horrek –horretarako berariazko ibilbide bat ematen du– urtean zehar prestakuntzako 192 ekintza eskaini zituen, 624 proiektuk parte hartuz.

2015ean programa berriak abian jarri ziren, eta haiek enpresako ekimen berriak sortzeko edota abiarazteko prozesuko funtsezko arloetan sakondu zuten, esaterako: proiektuen prototipoak egiten, lidergo berritzaile baterako gaitasunak eta startup-etarako salmentak; 99 proiektuk parte hartu zuten.

Iragan ekitaldiko beste berrikuntzetako bat CEINek Iruñeko Leire kalean irekitako egoitza berria izan zen; bertan prestakuntzako zenbait ekintza zabaldu zituzten ekintzaile-talderako eta hiriburuak ezarri berri diren negozioetarako, Nafarroako Gobernuak, Iruñeko Udalak eta sozietate publikoak izenpetutako lankidetza-hitzarmenaren arabera.

Iaz, Sodena sozietate publikoak Orizont nekazaritza-elikagaien bizkortzailea abian jarri zuen Tuterako Nekazaritza Elikagaien Haztegian, gure eskualdean sektore horretako enpresen bereganatze eta sorrera sustatze aldera. CEIN izan zen bizkortze-programa prestatzeaz eta kudeatzeaz arduratu zen erakundea, sei ekimen parte-hartzaileek beren proposamena garatzea lor dezaten eta beren negozio-eredua definitzeko.

2015. urtea, halaber, "Bultzada Ekintzailea" izeneko hirugarren edizioaren urtea izan zen, eta hari esker, zortzi proiektu berritzaileri CEINek emandako bizkortze-programa bat eman zitzaien, bai eta honako hauek emandako zuzkidura ekonomikoa eta mentorizazioa ere: Caja Rural de Navarra, Cinfa, Mondragon Korporazioa, Correos, Jofemar, MTorres, Mutua Navarra eta Viscofán, enpresa babesleak.

Unibertsitate-taldean ekintzailetza eta enpresa berrien sorrera sustatzeko, CEINek hainbat ekintza egiten ditu Nafarroako Unibertsitate Publikoko Enpresak Sortzeko Unibertsitate Laborategitik –iaztik NUP+ informazioko puntu berrian sartuta dago– eta Nafarroako Unibertsitatean, Ekintzaileen Klubaren laguntzarekin. Bi unibertsitateetako 1.380 ikaslek parte hartu zuten iazko prestakuntza-moduluetan, topaketetan, tailerretan…

Lanbide Heziketako 1.481 ikaslek ere parte hartu zuten CEINek emandako jardueretan, abentura ekintzaile berri bati ekiteko baliabideak identifikatzeko , negozio-aukerak zein diren jakiteko edo esperientzia ekintzaileak ezagutzeko

Bestalde, Iruñeko Udalak eta Nafarroako Gobernuak sustatutako "Iruña Ekintzailea" programaren bi edizio abiarazi ziren. CEIN izan zen programa honen arduraduna, eta haren helburua banakako eta taldekako espiritu ekintzailea suspertzea da, enpresako proiektu berriak sortzea. 22 pertsonek parte hartu zuten bi deialdietan, eta negozio bati ekiteko beren eskumenen garapenean lan egin zuten, eta sortutako 17 enpresa-ekimen berrien osaera nahiz bideragarritasunari lotutako elementuetan.