Kontratazioari dagokionez, 2015eko abenduan lantokia Nafarroan zuten 26.149 kontratu erregistratu dira Nafarroako Enplegu Zerbitzuan (NEZ), hots, azaroan baino 2.118 kontratu gutxiago.

Abenduan kontratu guztien % 5 baino ez dira mugagabeak izan. Aldi baterako kontratuak % 94 izan dira eta prestakuntzakoak, % 0,6. Denbora partzialeko kontratuak, berriz, kontratazio guztien % 29,6.

Errealitate Sozialaren Behatokiaren eta Gizarte Politiken Plangintzaren eta Ebaluazioaren Zuzendaritza Nagusiak adierazi duenez, langabeziak abenduan gora egin izana ez da datu ona, baina kontuan hartu behar da hala gertatu dela beti hilabete horretan 2008. urtetik, eta oraingo zifra epe guztiaren batez bestekoaren barnean dagoela.

Alde positibo modura, 2015ean Nafarroan 4.643 langabe gutxiago izan da, -% 9,72 aurreko urtearekin alderatuz, 2014ko langabezia-jaitsiera baino zifra hobeak (-3.702 pertsona) eta -% 7,19 aurreko urtearekin alderatuz (2013).

2015ean sortutako enpleguak kalitate txikikoa izaten jarraitzen du: % 95 inguru aldi baterako kontratazioa da eta % 30 denbora partzialekoak.

2016an langabezia-jaitsieraren joera positiboari eustea espero da aurreikusitako suspertze ekonomiko orokorragatik nahiz ekitaldi honetarako ezartzen ari diren enplegu-politiko publikoengatik.

Enplegu-agentziei dagokienez, honako agentzia hauetan igo da langabezia: Lodosa (% 11,28), Arrotxapea (% 3,5), Tafalla (% 3,29), Zabalgunea (% 3,17), Doneztebe (% 2,85), Yamaguchi (% 2,35), Tutera (% 1,85) eta Agoitzen (% 1,33). Aldiz, langabezia jaitsi egin da Altsasun (% 0,18) eta Lizarran (% 0,16).