Nafarroako Lehendakari Yolanda Barcina Azkoienen izan da 2015-2017 hirurterako Jofemar Korporazioaren inbertsio-planaren aurkezpenean. Plan horrekin 8 milioi euro inbertituko dira, eta 150 lanpostu sortzea ere espero da.

Aurkezpenean, Barcina Lehendakariak enpresa-taldeari babes osoa eman dio, vending-eko sektorerako soluzio teknologiko integraletan lider dena, eta korporazioak aberastasuna eta enplegua sortzeko egindako "ahalegina" aitortu du.

2004. urtetik enpresak 2,62 milioi euro jaso du Nafarroako Gobernuak emandako laguntza publikoetan. Zati handiena berrikuntza-proiektuak diruz laguntzeko erabili da eta inbertsioak egiteko enpresaren lehiakortasun hobetzeko.

Ekitaldian, Lehendakariarekin batera izan dira: taldeko lehendakari Félix Guindulain Vidondo; lehendakariorde betearazle Félix Guindulain Busto eta enpresako zuzendari nagusi Miguel Ángel Carrero.

Bertan izan dira ere, lehen lehendakariorde eta Ekonomia, Ogasun, Industria eta Enplegu kontseilari Lourdes Goicoechea, udalerriko alkate María José Vidorreta eta Javier Busto zinegotzia.

Inbertsio-plan berriak

Aurkezpenean zehar, agerian geratu da inbertsio-plan berriek Taldearen lehiakortasuna handitu nahi dutela eta bertako atal guztiena ere, lan egiten duen sektoreetan finkatzeko.

Negozio tradizionalaren barnean (vending-eko sektorea), 5 milioi euro inbertitzea aurreikusten da eta 100 lanpostu sortzea. Hazkunde-planaren arabera, enpresak salmentak % 10 igotzea espero du linea tradizionaletan eta nazioarteko zabalkundeari ekitea Errusia nahiz Brasil aldera.

Jofemar-ko sukaldaritza-zerbitzuen Sentil operadoreak (2000. urtean hasi zuen bere jarduera) bere jarduera hurrengo hirurtekoan haztea espero du ere. Hazkunde-planek 55 lanpostu sortzea aurreikusten dute eta 3.400 operazio-makinetara heltzea.