Nafarroako Lehendakari Yolanda Barcinak itun sozialaren bidetik jarraitzeko asmoa duela adierazi du gaur; izan ere, azken urteotan "oso emaitza onak eman ditu eta ongizatearen helburuak lortzeko balio izan du". "Nahiago nuke ildo horretatik jarraituko bagenu", aipatu du Lehendakariak Baluarten egiten ari den Nafarroako Comisiones Obreras (CCOO) sindikatuaren irekieran

Yolanda Barcinak gaurko jardunaldia "Nafarroarentzat egun garrantzitsua" dela adierazi du, "hemen zehaztuko dituzuen ildo estrategikoak giltzarri izango baitira komunitatearen etorkizunerako".

Alde horretatik, Lehendakariak azpimarratu du "ideiak behar ditugula" krisi ekonomikoari aurre egiteko eta etorkizun "baikorra"-ren alde egiteko. Ezin dugu orain arte egin dugunaren gauza bera egin, "aldatu beharra dugu", baina egungo "zutabeei eutsiz". Horretarako, sindikatu nahiz enpresa-erakundeei eskua luzatu die elkarrekin lanean jarraitu ahal izateko.

Molineroren agurra

Nafarroako CCOO sindikatuaren X. Kongresuak sindikatuaren politikak nahiz egiturak berritzeko balioko du. Bertan batzorde exekutibo eta idazkaritza nagusi berriak hautatuko dira; azken horretako kargua José María Molinero-k bete du azken urteotan.

Lehendakariak Molinerok egindako lana eskertu du. Harengatik esan du "idazkari bikaina" izan dela, akordioak lortzeko "gaitasun handikoa". "Pentsatzen duena dioen pertsona da, uste oso argikoa", baina akordioetara heltzeko gai dena "interes orokorra beste edozein planteamenduren gainetik dagoela irizten duenean", nabarmendu du Barcinak.

Kongresuaren irekierara bertaratu dira, besteak beste, Landa Garapen, Ingurumen eta Toki Administrazioko kontseilari José Javier Esparza; CCOO sindikatuko idazkari nagusi José Ignacio Fernández Toxo; uztera doan Nafarroako sindikatuko idazkari José María Molinero;Nafarroako UGTko idazkari nagusi Juan Goyen; eta Nafarroako Enpresarioen Konfederazioko lehendakari José Antonio Sarría.