Noaingo Haztegian bi enpresa berri ezarri ziren; Inbioley (ardoak organoleptikoki hobetzeko zerbitzuak upeltegi bakoitzeko berezko legami autoktonoak objektiboki identifikatuz eta hautaketa zehatza eginez) eta Europea de Sistemas Técnicas de Seguridad (sarrailen eta segurtasun-gailuen diseinua eta sorkuntza).

Tuterako Nekazaritza Elikaduraren Haztegiak bost konpainia hartu zituen: Applied Food (eskolan erabiltzeko lekedaren fabrikazioa eta merkaturatzea), Doble A (merkataritzako eta marketing-eko zerbitzuak nekazaritza-elikagaien sektorerako), Plus Nature (nekazaritza-elikagaien zerbitzu integral eta globalak, batez ere ekoizle txiki eta ertainari bideratutakoa eta nekazaritza-elikagaien prozesatzailea produktibitatea hobetzeko), Chichorium (endibia landatzeko aholkulartza, era bilogikoan nahiz ohikoan) eta Precosana (era guztietako elikagai-intolerantziak dituzten pertsonentzat prestatutako platerak).

Tuterako Udalaren haztegian jarri ziren, Efen Energia (energia eraginkorreko azterketak), We are Plastic (marketing online elkarreragilea) eta Cigüeña Stop (teilatuetan izaten diren zikoinak uxatzeko sistemen fabrikazioa eta merkaturatzea).

Gainera, eta aurre inkubazioko modalitatean, konpainia eratu aurretik, haztegiek bi proiektu hartu zituzten: Recombina (helburu bioteknologikoak dituzten genetikoki aldatutako bakteriak nahieran diseinatu eta sortzea) eta Greenwave (informazio-teknologien garapena makinen eta haien ingurunearen arteko interkonexiorako), Noaingo instalazioetan daudenak.

Aurreko ekitaldian sei konpainiek haztegietako instalazioak utzi zituzten. Haietako lauk beren jarduera beste lokal batzuetara eraman zuten: KSI (segurtasun dokumentalerako irtenbide aurreratuak), D2D (aholkularitza-zerbitzuak eta garapena informazio-teknologien esparruan), Simax (simulagailuen garapena) eta FnPrepago (energia eraginkorreko sistemen garapena).