Nafarroako Gobernuak eta Nafarroako Enpresarien Konfederazioak 50 enpresa txiki eta ertainek 2011. urtean ingurumenaren arloan hartutako konpromisoak aintzatetsi dituzte gaur, Lourdes Goicoechea Zubelzu Landa Garapen, Industria, Enplegu eta Ingurumen kontseilaria eta José Antonio Sarría Terrón Nafarroako Enpresarien Konfederazioko Lehendakariaren parte-hartzea izan duen jaurdunaldi batean. Neurriok Empresa eta Ingumena, programaren baitan hartu dituzte, ikuskaritza eta ingurumena hobetzeko planen bidez, eta, aurten nobedade gisa, baita karbonoaren aztarna kalkulatzeko emisio inbentarioen bidez ere.

Enpresa bakoitzeko ordezkariek diploma bana jaso dute karbonoaren aztarna eta bere kalkulua eta ingurumenarekin lotutako ohitura onei buruzko jaurdunaldi batean.

Enpresa eta Ingurumena programa, Nafarroako Gobernuak eta Nafarroako Enpresarien Konfederazioak -Nafarroako Ingurumen Arloko Baliabide Zentroa Fundazioaren bidez (CRANA)- sustatua, 2004. urtean jarri zen abian, lurralde eta sektore ezberdinetako enpresarien elkarteekin, ingurumen aholkulariekin eta beste hainbat erakunderekin elkarlanean. Harrezkero, 362 enpresek egin dute ingurumen ikuskaritza eta 120tik gorak ezarri dute ingurumena hobetzeko plana. Era berean, 200 teknikari eta zuzendari baino gehiagok jaso dute prestakuntza eta 3.000 enpresa inguruk jaso dute aldizkako informazioa programaren baitan burututako proiektu eta materialen inguruan. Europar Batasunak 2.829.723 eurorekin finantzatu du egitasmoa.