Nafarroako Gobernuak Cork-en (Irlanda) ospatu den Innovating for Succesful Business konferentzian hartu dute parte Enpresen eta Berrikuntzen Zuzendaritza Nagusiaren eta Foru Erkidegoko erakunde- eta enpresa-elkarte eta enpresen bitartez nahiz Nafarroako Unibertsitate Publikoaren bitartez, zeina, Atlantkis Europako programaren esparruan antolatu den "ezagutzaren zerbitzu intentsiboen" (EZI) hornitzaileen eta enpresa txiki eta ertainen artean harremanak errazteko.

EZIak zentro teknologikoek eta unibertsitateek informazioaren teknologia berrien, berrikuntzaren eta enpresa-aholkularitzaren alorrean eskainitako zerbitzuak dira. Helburua enpresa txiki eta ertainei laguntzea da horretarako tresna berriak eskainiaz eskualdeetako ekonomietako dinamizatzaile gisa jardun dezaten.

Konferentzian Paul Rellis jaunak hartu zuen parte, Microsoft Ireland-eko zuzendari kudeatzaileak, zeinak, cloud computing edo "hodei konputazioan" izandako berrikuntzak aurkeztu zituen; esakune horren bidez, Internet bidezko zerbitzu informatikoen eskaintza izendatzen da, konputazioan adituak ez diren pertsonentzat erabilgarri daudenak eta beren enpresa-beharretara aplika ditzaketenak.

Hizlari berak Ezagutzaren Zerbitzu Intentsiboen nazioz haraindiko plataforma aurkeztu zuen, espazio atlantikoko zerbitzu horien hornitzaileen eta enpresen arteko topagunea izan nahiko lukeena eta zerbitzuak nazioartekotzen eta lankidetza-sareak sortzen lagunduko duena.