Nafarroako ekonomiak Barne Produktu Gordinean %0,5eko hazkundea izan du 2011ko bigarren hiruhilekoan, zortzigarren hiruhilekoa segidan, eta aurreko hiruhilekoko tasa berdina. Espainian, bigarren hiruhilekoan izandako hazkundea %0,2koa izan da, aurreko aldikoa baino hamarren bat txikiagoa.

Urtetik urterako hazkundeari dagokionez, bigarren hiruhilekoko datuekin, Nafarroan %1,8an kokatzen da eta, Espainia osoan, % 0,7an.

Alvaro Miranda Simavilla jaunak, bigarren lehendakariordea eta Ekonomia eta Ogasun Saileko Kontseilaria, 2011ko bigarren hiruhilekoari buruzko Nafarroako Hiruhileko Kontabilitatearen aurrerapen bat aurkeztu du gaur goizean.

Miranda jaunak azpimarratu duen bezala, epealdi horretako BPGd-ri buruzko datuek bi urtez jarraian balio positiboak izan direla adierazten dute. Guztira, krisia hasi zenetik, Nafarroa zortzi hiruhilekotan hazi da eta hiru hiruhilekotan jaitsi da.

BPGd-aren balioak 2008., 2009., 2010. urteetan eta 2011ko bigarren hiruhilekoan izandako bilakaerari arreta eskaintzen badiogu, Nafarroak batez besteko nazionalarekiko portaera desberdina adierazten du. 2007ko laugarren hiruhilekoan puntu berdinetik abiatuz (100 balioa), Nafarroako BPGd-aren balioa, egun, %101,2an kokatzen da eta, Espainiakoa, 96,6an. 2010eko azken hiruhilekoan, Foru Erkidegoak 2007an zuen aberastasuna berreskuratu zuen, oparoaldiko azken urtea, epealdi horretan BPGd %100,3an kokatuz. Ezagutzen diren azken datuekin, balio hori 101,2 arte gehitu da. "Horrek –lehendakariordearen hitzetan– adierazten du Nafarroa Espainiarekin alderatuz azkarrago ari dela suspertzen, zeinak, egun, Nafarroakoarekiko 4,6 puntuko aldea duen".