Foruzaingoko Bide Segurtasuneko Dibisioak bere ohiko zerbitzua areagotuko du Nafarroako errepideetan, "Ama Birjina Abuztukoaren" jai-zubia, abuztuaren 15a, eta oporretako hamabostaldiaren aldaketa direla-eta. Egun horietan, trafikoa eta ibilgailuen joan-etorriak nabarmen gehituko dira, eta horretan eragina izango du, baita ere, Foru Erkidegoko herri askotan zaindariaren jaiegunak hasteak.

Irteera-operazioa, ostiral (abuztuak 12) arratsaldean hasiko da larunbata arratsaldera bitarte. Denboraldi horretan joan-etorri gehienak izatea aurreikusten da; itzulerarik handiena, berriz, abuztuaren 15ean, astelehen arratsaldean, izango da, jai-eguna baita. Era horretan, arratsalde horretarako ere abiadura kontrolatzeko zerbitzua aurreikusi da.

Foru Erkidegoko bideetan ezbehar-tasa murrizte aldera, aldirika poliziaren presentzia gehituko da, eta abiadura eta alkoholaren kontsumoa kontrolatzeko prebentzio-kanpaina egingo da. Horretan arituko dira Iruñeko eta Tuterako komisarietako Bide Segurtasuneko operazio-taldeak. Baimendutakoa baino abiadura handiagoa antzematen zaien gidari guztiei alkohola eta substantzia psikotropikoak detektatzeko proba egingo zaie.

Foruzaingoak abiadura kontrolatzeko kontrol mugikorrak ezarriko ditu Foru Erkidegoko komunikazio-bide nagusietako puntu zehatzetan; esate baterako, Nafarroako Autopistan (AP-15), Euskal Herriko eta Aragoiko autopistan (AP-68) edo Done Jakue Bideko (A-12) edo Pirinioetako (A-21) autobietan.