Urtearen lehen zazpi hiletan hamalau lagun hil dira Barne saileko Zuzendaritza Nagusiak emandako datuen arabera. Iaz baino zortzi hildako gutxiago izan dira ( % 36,3 gutxiago), 22 lagun hil zirelako trafiko-istripuetan. Zehazki, hamar lagun hil dira Nafarroako Gobernuaren errepide-sarean eta lau hiri-sarean eta beste bide batzuetan.

Uztailean bost lagun hil dira Nafarroako hiri eta hiri arteko bideetan. Haietatik, hiru, autoek harrapatutako oinezkoak izan dira. Hildakoak izan ziren lehen istripua uztailaren 1ean gertatu zen, Iruñean. Horren ondorioz, 60 urteko Murietako emakume bat hil egin zen. Uztailaren 5ean eta 7an beste bi oinezko hil ziren autoek harrapatuta Iruñeko Eskualdean. Haietatik, batek, 87 urte zituen eta oinezkoen pasabide batean harrapatu zuen auto batek; besteak, 30 urte zituen eta N-121 errepidean harrapatu zuen auto batek.

Halaber, bi gidari hil dira. Lehena, 77 urteko gizonezkoa, uztailaren 12an Bearinen parean (Deierri), lur orotako ibilgailu batek eta turismo batek talka eginda. Bigarrena, 64 urteko Belgikako gizonezkoa, gidatzen zuen turismoaren kontrola galduta Ultzama ibaira erori zelako hilaren 30ean Iruñea-Behobia errepidean (N-121-A), Sorauren inguruan.

Datu hauen berri eman ditu gaur lehen lehendakariorde eta Lehendakaritzako, Administrazio Publikoetako eta Barneko Departamentuko kontseilari Roberto Jiménezek. Hau adierazi du: "Nafarroako Gobernuan gogor lan egingo dugu trafiko-istripu kopurua ahalik eta gehien txikiagotzen, hildako ugari dagoelako". "Leku beltzak murrizteko, normalean istripuak gertatzen diren eremuak prebentzioz seinaleztatzeko, trafikoa hobeto antolatzeko lan egingo dugu". Halaber, gogoratu du gidariok kontuan hartu behar dugula errepideak duen arriskua. Horregatik, "jarrera aldatzea" eskatu du gidatzean.

Bestalde, hildako kopuruari dagokionez, hauxe adierazi du: "errepidean pertsonak hiltzen badira ezin dezakegu esan onak direla, hala ere, azken urteetan nabarmen murriztu direla esan dezakegu".