Programa 17:30etan hasiko da eta Iturrama institutuko You are (not) a suicide antzezlana izango da lehenengoa. Heriotzari eta bizitzaren zentzuari buruzkoa da obra. 30 minutuko iraupena du eta Maialen Díazek zuzendu du. Hauek hartuko dute parte: Noguei Sall, Irune Legarda, Itsaso Garaikoetxea, Eñaut Aldasoro, Iñigo Urtiaga, Mikel Martínez, Ion Irisarri, Iñigo Navarro eta Gontzal Aparicio (soinua eta argiak).

18:15etik aurrera San Fermín ikastolako ikasleek Basoan gertatu zen obra antzeztuko dute. Euskal mitologiako Mariren eta Mikelats eta Atarrabi semeen istorioa da, haiek bizi diren basora bi neska iritsi ondorengoa. Antzezlanak 30 minutu irauten du eta Birjiñe Albira da zuzendaria. Oihane Tejero, Iñigo Rodríguez, Xabier Martínez, Fermín Muñoz, Paula Domínguez, Leize Los Arcos, Uxue Pellejero eta Beatriz Zamora dira antzezleak.

Azkenik, Geure zahar etxea antzezlana eskainiko dute Ibarberri institutuko ikasleek 19:00etatik aurrera. Antzezlanean, zahar talde batek haien egoitza bota ez dezaten izaten dituzten gorabeherak kontatzen dituzte. 25 minutuko antzezlana da. Maddi Aranburu, Nessa Beaumont, Maddi Begiristain, Hodei Buldain, Mihail Cebotari, Adrián Dos Santos, Xabier Etxarri, Xuban Goldarazena, Nerea Goldaraz, Lorea Huizi, Joseba Igartua, Irune Juanena, Laiene Lansalot, Mikel Martirena, Andoni Michaus, Ibon Sabino, Orgi Soroa, Dmytro Sych, Noelia Torres eta Mikel Zabaleta dira antzezlaneko partaideak eta Nekane Galarza da antzezlanaren zuzendaria.