Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Nafarroako Gobernuak elkartasuna adierazi die Murtziako lurrikaretako biktimei eta erreskate taldeak eskaini dizkio hango autonomia gobernuari osteguna, 2011.eko maiatzak 12
Sanz Lehendakariak dolu eguna iragarri du gaurko, ostegunerako, Foru Erkidegoan
Banderak hega erdian jarri dituzte Nafarroako Jauregian Murtziako lurrikarak direla eta
(
irudia handitu
)
Miguel Sanz Sesma Nafarroako Lehendakariak Nafarroako instituzioen eta herritarren doluminak eta elkartasuna bidali dizkie Murtziako lurrikara dela-eta izan diren hildakoei, haien familiei eta kalteak izan dituzten beste milaka laguni. Halaber, Murtziako autonomia gobernuari Foru Erkidegoko segurtasunerako eta larrialdietarako bitartekoak eta taldeak eskaini dizkio asteazken arratsaldean izan zen lurrikararen eta ondorengo errepliken ondorioz gune kaltetuenetan egin beharreko esku hartzeetan laguntzeko.
Javier Caballero Gobernuko lehen presidenteordea (lehen ilaran, eskuinetik hasita bigarrena) gaur eguerdirako Iruñeako Udalak Murtziako lurrikaretako biktimen alde deitu duen elkarretaratzean izan da
Horixe adierazi dio Sanz Lehendakariak Ramón Luis Valcárcel Murtziako Lehendakariari igorri dion gutunean. Gutun horretan, Lorcan gertatu diren lurrikaren ondorio beldurgarriengatik "atsekabe handia" duela adierazi dio eta "katastrofe hori dela eta zauritu diren eta lekuz aldatu behar izan duten guztiei adorea eta itxaropena" igorri die.
Gutuna amaieran zera esanez amaitu du: "Sortu den egoera larria konpontze aldera, zure esanetara naukazu burutzen ari zareten lanetan laguntzeko behar izan ditzakezuen bitarteko eta taldeak Nafarroatik bidaltzeko".
Horrez gain, Sanzek Lehendakariaren foru dekretu bat onetsi du gaur goizean gaurko eguna dolu egun iragartzeko, lurrikaretako biktimei elkartasuna adieraztearren. Gauzak horrela, eraikin ofizialetako banderak hega erdira jaitsi dituzte.
Prentsa oharra:
Albiste hau osorik izan nahi baduzu PDF artxibo batean sakatu hemen
