Nafarroako Gobernua bat dator Auzitegi Gorenarekin Bilduren zerrendak baliogabetzeari dagokionez. Koalizioa Eusko Alkartasunak, Alternatibak eta "ezker abertzaleari" lotutako independenteek osatzen dute.

Miguel Sanz Nafarroako Lehendakariak Gobernuaren saioaren osteko prentsaurrekoan adierazi duenez, Gobernuak errespetu handia dio erabaki horri, "eduki asko, zorroztasun juridiko handia eta, batez ere, zentzu handia baitu".

Goi-auzitegiak koalizioaren zerrenda guztiak baliogabetu zituen atzo, bederatzi magistratu baliogabetzearen alde eta sei aurka agertu ondoren. Auzitegiak Fiskaltzak eta Estatuko Abokatutzak aurkeztutako aurkarapenak kontuan hartu zituen, poliziaren txostenetan oinarrituta, bere ustez ETAren estrategiaren atalak baitira.