Castellano | Euskara | Français | English

Bilatzaile erabili!

Ikusi egun honetako albiste gehiago

Osasun zentroen erabiltzaileek 10etik 8 eman diote Nafarroako Lehen mailako Arretari asteartea, 2010.eko urriak 5

Baloraziorik handiena izan duten faktoreak gogobetetzea, profesionalen adeitasuna eta etxeko laguntza dira

Nafarroako Lehen mailako Arretako erabiltzaileek 10etik 8,05eko balorazioa egin dute osasun zentroetan jasotako arretan lortutako gogobetetzeari dagokionez. Hala dio joan den urtearen amaieran 26 osasun zentrotan egindako inkesta batek, Lehen mailako Arretaren Kalitatea Hobetzeko Planaren barruan. Inkestaren emaitzak gaur goizean aurkeztu ditu Cristina Ibarrola Nafarroako Osasun Zerbitzuko Lehen mailako Arretako zuzendariak. Ekitaldian Javier Apezteguía Urroz Kudeaketa Klinikoaren eta Informazio Sistemen Zerbitzuko burua izan du alboan.

Inkestako galderak jarraian zehaztutako hamar faktoreen ingurukoak izan dira, jasotako puntuazioaren arabera ordenatuta, puntu gehien jaso dituenetik gutxien jaso dituenera:

 

• Konfiantza-profesionaltasuna (medikuak eta erizainak emandako konfiantza eta segurtasuna; etxeko laguntza): 8.51.

• Erosotasuna: (osasun zentroaren erosotasuna, irudia eta garbitasuna): 8.48.

• Gogobetetze orokorra profesionalekin (medikua, erizaina, gizarte-langilea, administrazioko langileak): 8.31.

• Gogobetetze orokorra profesionalekin (medikua, erizaina, gizarte-langilea, administrazioko langileak): 8.31.

• Informazioa-aholkua (osasun-arazoari buruz jasotako informazioa; administrazioko langileek emandako informazioa; medikuaren eta erizainaren aholkuak elikadurari, tabakoari, alkoholari, eta abarri buruz):

  8.16.

• Adeitasuna eta enpatia (beharrizanei erantzuteko interesa, pazientearen arduren eta iritzien aldeko interesa, osasun langileek emandako tratua, profesionalen adeitasuna):

  8.14.

• Denbora paziente bakoitzeko (medikuak gaixo bakoitzari eskainitako denbora):

  7.88.

• Pertsonalizazioa (hurrengo kontsultetan mediku berak artatzeko bermea, pazienteak eskatzen duenean medikua aldatzeko erraztasuna):

  7.78.

• Larrialdiko artapena (larrialdiko artapena zentroaren ohiko ordutegiaren barruan eta kanpoan):

  7.64.

• Bizkortasuna eta puntualtasuna (denbora itxarongelan kontsultan sartu aurretik, izapideak ebazteko erraztasuna, arazoa bisita bakarrean ebazteko interesa):

  7.46.

• Irisgarritasuna (artapen ordutegia, zentroarekin telefonoz harremanetan jartzeko erraztasuna, hitzordua lortzeko erraztasuna, itxaronaldia): 

  7.26.

Faktore bakoitzaren barruan, hurrengo hauek izan dira baloraziorik onena jaso duten alderdiak: gogobetetzea erizainarekin (8.74); erizainaren adeitasuna (8.69); medikuaren adeitasuna (8.68); etxeko laguntza (8.62) eta gogobetetzea medikuarekin (8.61). Horrez gain, beste alderdi batzuk baloratu dira, hala nola telefonoz harremanetan jartzeko erraztasuna (6.73), denbora itxarongelan (6,76) eta hitzordua lortzeko erraztasuna (7.10).

Inkesta 2009. urtearen amaieran egin zitzaien 9.100 pazienteri 26 osasun zentrotan (350 zentro bakoitzean). Aurreikuspenen arabera, 2010ean inkesta bera egingo da Nafarroako gainerako osasun-zentroetan. Helburu nagusia Lehen mailako Arretaren kalitatean hobetu beharreko alderdiak zehaztea da, eta horri esker Nafarroako herritarren gogobetetzea handituko da osasun zentroetan eta kontsultategietan.

Horretarako, osasun zentroetan ezartzen ari diren Hobekuntza Plana ere badago. Hori dela bide, telefonia sistema berriak ezarri dira, profesionalen agendak berrantolatu dira edo hizordua eskatzeko prozedura berriak finkatu dira.

Aipatzekoa da inkesta honen bidez lortu diren emaitzak argitaratu diren beste inkesta batzuetakoak baino hobeak direla, besteak beste Osasun Barometrokoak, urtero Osasun eta Gizarte Politika Ministerioak herritarrei egiten dien iritzi inkesta. Gaur aurkeztutako inkestaren emaitzak zehatzagoak dira, galdera-sorta gehiago egin direlako eta osasun zentroetako erabiltzaileen lagina hautatu delako, eta ez herritarrak oro har. Modu horretan, inkesta honetan lortutako 8,05eko emaitza Osasun Barometroko gogobetetze orokorrari buruzko emaitza baino hobea da: 7.3 Espainian eta 7.7 Nafarroan.

Jar zaitez gurekin harremanetan | Erabilerraztasuna | Lege abisua | Webaren mapa